Burada bir həqiqəti ayırd etmək lazımdır. Belə ki, Epşteyn işi real, sübut olunmuş cinayətlərdir – insan alveri, azyaşlıların seks-istismarı, şantaj. Adrenokrom və “qanla cavanlaşma” isə daha çox konspiroloji və populyar mədəniyyət məhsuludur.

Zənnimcə, "Kurtlar Vadisi" bu mövzudan daha çox gücün qaranlıq mahiyyətini göstərmək üçün istifadə edib. Serialda verilən mesaj sadədir: hakimiyyət özünü qorumaq üçün həmişə başqalarının həyatını qurban verməyə hazırdır. Epşteynlə bağlı son iddialar isə bu simvolik səhnənin illər sonra “kehanət” kimi oxunmasına səbəb olub.

Başqa sözlə, burada məsələ serialın gələcəkdən xəbər verməsi yox, cəmiyyətin həmişə eyni qorxuları yaşamasıdır: gizli elitalar, toxunulmaz güclər və cəzasızlıq. "Kurtlar Vadisi" bunu bədii dillə demişdi, Epşteyn dosyesi isə bu qorxuların real cinayətlərlə necə qidalandığını göstərdi…

"Yüce Majeste" – "Kurtlar Vadisi Pusu" teleserialında (247-254-cü bölümlər) Kayhan Yıldızoğlu tərəfindən canlandırılan bir obraz. Serialda o, Tampliyerlərin (Tapınakçılar) ali lideridir. Polat və Cahit basqın edərək onu qaldığı xəstəxanada öldürürlər.