Yaşa, əlilliyə, ailə başçısını itirməyə görə pensiya, istənilən növ müavinət, təqaüd və kompensasiya alan şəxslər, sosial yardım alan ailələr, Vətən müharibəsi iştirakçıları və şəhid ailələrinə endirimlərdən faydalanma fürsəti yaradılıb. Yeri gəlmişkən, yaxın günlərdə Bakı, Sumqayıt şəhərləri, eləcə də Abşeron rayonunda qeydiyyatda olan pensiyaçıların pensiyalarının ödənişinə başlanılacaq. Siz pensiyanızı bankomatdan çıxarmadan və ya başqa karta atmadan, yəni pulu sosial ödəniş kartında saxlayaraq endirim təklif edən mağaza, market və apteklərdə alış-veriş edib, restoran və klinikaların xidmətlərindən yararlanıb nağdsız qaydada ödəniş etsəniz, bu fürsətlərdən faydalana bilərsiniz. Unutmayaq ki, endirim yalnız hesab nağdsız qaydada, yəni sosial ödəniş kartı ilə ödəndikdə tətbiq olunur.

Çoxsaylı endirimlər təklif edən şirkətlərlə www.sosialterefdash.az saytına daxil olaraq, “Partnyorlar” bölməsində tanış olmaq mümkündür.

“Bazarstore” və “Almarket” sosial ödəniş alan şəxslərə alış-veriş zamanı endirimlər təklif edir. Bakıda, eləcə də regionlarda fəaliyyət göstərən bu marketlərdən bazarlıq edib ödənişi pensiya, sosial yardım, müavinət və ya təqaüd aldığınız kartla, yəni nağdsız qaydada etsəniz, sizə yerindəcə endirim tətbiq olunacaq.

Bakıda və regionlarda məişət avadanlıqları və elektrotexnika məhsullarının satışını reallaşdıran “Baku Elektronics” bütün məhsullarını sosial ödəniş alan şəxslərə endirimli qiymətlərlə təklif edir. Bu mağazalarda alış-veriş zamanı hesabı sosial ödəniş kartı ilə, yəni nağdsız qaydada ödədikdə avtomatik olaraq endirim tətbiq edilir.



Bakı, Sumqayıt və Gəncə şəhərlərində ayaqqabı, çanta, idman geyimləri almaq istəyən şəxslər yollarını “FLO” mağazalarından salsınlar. Çünki bu mağazalarda sosial ödəniş alanlara endirimlər var. Bunun üçün sosial ödəniş kartınızla, yəni nağdsız qaydada ödəniş edib endirimlərdən yararlana bilərsiniz.

Bakı, Sumqayıt və Xırdalan şəhərlərində fəaliyyət göstərən “Özsüt” restoranlar şəbəkəsində də bu kateqoriyadan olan şəxslərə endirimlər var. Müxtəlif dadlı şirniyyatlar və ləziz təamlar ilə müştərilərə xidmət göstərən bu restorana gələn sosial ödəniş alan hər kəsə endirim tətbiq olunur. Bunun üçün hesabı mütləq sosial ödəniş kartı ilə, yəni nağdsız qaydada etməlisiniz.



Pensiya, müavinət, sosial yardım, təqaüd və kompensasiya alan şəxslər dərmana ehtiyac yarandıqda Bakıda fəaliyyət göstərən “AVİS” apteklər şəbəkəsi və “Həyat Aptek”i seçə bilərlər. Çünki bu apteklər də sosial ödəniş alan şəxslərə endirimlər təklif edir.

Endirimlərdən faydalanmaq üçün alış-veriş zamanı ödəniş mütləq sosial ödəniş kartı, yəni pensiya, müavinət, sosial yardım, təqaüd və kompensasiya aldığınız kartla nağdsız qaydada edilməlidir.

Qeyd edək ki, bu günədək sosial ödəniş alan şəxslər tərəfdaş şirkətlərdən nağdsız qaydada, yəni sosial ödəniş kartları vasitəsilə 950 mindən çox alış-veriş edib, təklif olunan endirimlərdən faydalanıblar.

Çoxsaylı endirimlər təklif edən digər şirkətlərlə www.sosialterefdash.az saytına daxil olaraq, “Partnyorlar” bölməsində tanış olmaq mümkündür.