Laçınlılar Aprel Şəhidi Ülvin Camaləddin oğlu Məmmədovun anım gününü qeyd ediblər

YAP Laçın rayon təşkilatının sədri İlqar İlyasov, Laçın Rayon İcra Hakimiyyətinin Başçısının birinci müavini Tofiq Mirzəyev, şəhidin ailə üzvləri və ictimaiyyət nümayəndələri Aprel Şəhidi Ülvin Məmmədovun və digər şəhidlərimizin məzarını ziyarət ediblər.
Şəhidlərin məzarı üzərinə tər güllər düzülüb, ruhuna dualar oxunub, şəhidin ailəsinə dərin hüznlə baş sağlığı verilib. Eləcə də Azərbaycan ordusunun qüdrətindən, Şəhidlərimizin döyüş zamanı göstərdikləri şücaətdən və vətənpərvərliklərindən söz açılıb.
Çıxış edənlər bildiriblər ki, Azərbaycan Respublikasının Silahlı Qüvvələrinin Ali Baş Komandanı cənab İlham Əliyevin rəhbərliyi ilə Rəşadətli ordumuz torpaqlarımızı işğaldan azad etdi. Qəhrəman oğullarımızın həyatları bahasına azad olunmuş torpaqlarımızda bu gün müqəddəs bayrağımızın dalğalanması hər birimiz üçün qürurvericidir.
Şəhidin ailə üzvləri, Şəhid ailələrinə, Qarabağ qazilərinə və döyüşçülərinə göstərilən dövlət qayğısına görə cənab Prezident İlham Əliyevə və ölkənin birinci vitse-prezidenti Mehriban xanım Əliyevaya dərin təşəkkürünü və minnətdarlığını bildiriblər.
Allah şəhidlərimizə rəhmət eləsin.