Meta Platforms-ın apardığı sorğuya görə, Instagram-da 13–15 yaşlı istifadəçilərin təxminən 19%-i istəmədikləri çılpaq və ya seksual məzmunla qarşılaşdıqlarını bildirib.

Xəbər verilir ki, bu məlumat 2025-ci ilin martında platformanın rəhbəri Adam Mosserinin ifadəsinin yer aldığı və Kaliforniyada federal məhkəmə işi çərçivəsində açıqlanan sənəddə əks olunub.

Sorğunun 2021-ci ildə keçirildiyi bildirilir. Meta yeniyetmələr üçün açıq-saçıq məzmunun, o cümlədən süni intellektlə yaradılan görüntülərin silinməsi istiqamətində tədbirlər gördüyünü açıqlayıb. Şirkət eyni zamanda bildirir ki, bu cür məzmunların əksəriyyəti istifadəçilər arasında şəxsi mesajlar vasitəsilə paylaşıldığı üçün məxfiliyə riayət olunması vacibdir. (Reuters)