https://kanal15tv.com/ Sosial - Kanal15tv.com[shortrss] https://kanal15tv.com/iqtisadiyyat/15416-n-cox-t-sud-v-yumurta-istehsal-edn-rayonlar.html https://kanal15tv.com/iqtisadiyyat/15416-n-cox-t-sud-v-yumurta-istehsal-edn-rayonlar.html

İqtisadiyyat / Sosial admin Fri, 14 Aug 2026 14:49:55 +0400 [/shortrss] [fullrss] https://kanal15tv.com/iqtisadiyyat/15416-n-cox-t-sud-v-yumurta-istehsal-edn-rayonlar.html https://kanal15tv.com/iqtisadiyyat/15416-n-cox-t-sud-v-yumurta-istehsal-edn-rayonlar.html ]]> admin Fri, 14 Aug 2026 14:49:55 +0400 [/fullrss] [yandexrss] https://kanal15tv.com/iqtisadiyyat/15416-n-cox-t-sud-v-yumurta-istehsal-edn-rayonlar.html

İqtisadiyyat / Sosial Fri, 14 Aug 2026 14:49:55 +0400

Azərbaycanda heyvandarlıq məhsullarının istehsalı üzrə rayonların göstəriciləri açıqlanıb.

Bu barədə sorğusuna cavab olaraq Dövlət Statistika Komitəsindən məlumat verilib.

Bildirilib ki, ət (diri çəkidə) istehsalında Siyəzən, süd istehsalında isə Ağcabədi həm 2025-ci ildə, həm də 2026-cı ilin yanvar-iyun aylarında ölkə üzrə ən yüksək göstəricini qeydə alıb.

Yumurta istehsalında isə 2025-ci ildə Xızı, 2026-cı ilin yanvar-iyun aylarında Hacıqabul lider rayon olub. [/yandexrss][shortrss] https://kanal15tv.com/cemiyyet/15370-azrbaycanda-10-min-manatliq-mkhaqqi-il-isci-axtarilir.html https://kanal15tv.com/cemiyyet/15370-azrbaycanda-10-min-manatliq-mkhaqqi-il-isci-axtarilir.html

Cəmiyyət / Sosial admin Fri, 07 Aug 2026 10:52:26 +0400 [/shortrss] [fullrss] https://kanal15tv.com/cemiyyet/15370-azrbaycanda-10-min-manatliq-mkhaqqi-il-isci-axtarilir.html https://kanal15tv.com/cemiyyet/15370-azrbaycanda-10-min-manatliq-mkhaqqi-il-isci-axtarilir.html ]]> admin Fri, 07 Aug 2026 10:52:26 +0400 [/fullrss] [yandexrss] https://kanal15tv.com/cemiyyet/15370-azrbaycanda-10-min-manatliq-mkhaqqi-il-isci-axtarilir.html

Cəmiyyət / Sosial Fri, 07 Aug 2026 10:52:26 +0400

Əmək və Əhalinin Sosial Müdafiəsi Nazirliyinin (ƏƏSMN) "Əmək və Məşğulluq" altsistemində (ƏMAS) hazırda müxtəlif işəgötürənlər tərəfindən təqdim olunan 65 mindən çox aktiv vakansiya mövcuddur.

Xəbər verilir ki, bu barədə ƏƏSMN məlumat yayıb.

Qeyd olunan vakansiyalar üzrə ən yüksək əməkhaqqı 10 000 manat, ən aşağı əməkhaqqı isə 400 manat təşkil edir.

"İşsiz və ya işaxtaran şəxslər vakansiyalara müraciət üçün Dövlət Məşğulluq Agentliyinin regional məşğulluq filiallarına və ya DOST mərkəzlərinə yaxınlaşa bilərlər. Burada karyera məsləhətçiləri tərəfindən şəxsin məşğulluq imkanları qiymətləndirilir. Qiymətləndirmənin nəticəsinə uyğun olaraq münasib vakansiyalar təqdim olunur və şəxsin ona uyğun vakansiyaya müraciəti qeydə alınır", - məlumatda qeyd olunub. [/yandexrss][shortrss] https://kanal15tv.com/sosial/15367-bniz-10-il-3-ay-hbs-czasi-verildi.html https://kanal15tv.com/sosial/15367-bniz-10-il-3-ay-hbs-czasi-verildi.html

Sosial admin Fri, 07 Aug 2026 09:47:37 +0400 [/shortrss] [fullrss] https://kanal15tv.com/sosial/15367-bniz-10-il-3-ay-hbs-czasi-verildi.html https://kanal15tv.com/sosial/15367-bniz-10-il-3-ay-hbs-czasi-verildi.html ]]> admin Fri, 07 Aug 2026 09:47:37 +0400 [/fullrss] [yandexrss] https://kanal15tv.com/sosial/15367-bniz-10-il-3-ay-hbs-czasi-verildi.html

Sosial Fri, 07 Aug 2026 09:47:37 +0400

Sevgilisindən şantaj yolu ilə 1 milyon manata yaxın pul tələb etməkdə ittiham olunan tiktoker Aybəniz Xəlilovanın (Bəniz) məhkəmə araşdırması başa çatıb.

Xəbər Bakı Ağır Cinayətlər Məhkəməsində keçirilən son iclasda hökm oxunub.

Fəxri Məmmədovun sədrlik etdiyi məhkəmə kollegiyası belə nəticəyə gəlib ki, təqsirləndirilən şəxsə hədə-qorxu ilə tələb etmə və xuliqanlıq maddəsi ilə verilmiş ittiham məhkəmə istintaqı zamanı sübuta yetirilib.

Hökmə əsasən, Bəniz 10 il 3 ay müddətinə azadlıqdan məhrum edilib.

Qeyd edək ki, Bəniz 2024-cü ilin sonunda qeyri-rəsmi münasibətdə olduğu biznesmen sevgilisi Xalid Kərimovun şikayəti əsasında həbs edilib. Zərərçəkmiş əvvəlcə hüquq-mühafizə orqanlarının rəhbərlərinə müraciət edərək kömək istəsə də, sonradan mövqeyini dəyişib. O, məhkəmədə Bənizdən heç bir şikayətinin olmadığını deyib, azadlığa buraxılmasını xahiş edib. Lakin məhkəmə irəli sürülən ittihamın ağırlığını və zərərçəkmişin ifadələrindəki ziddiyyətləri nəzərə alaraq Bənizin axıra mimi həbsdə saxlanılmasına qərar verib. [/yandexrss][shortrss] https://kanal15tv.com/cemiyyet/15360-pensiya-sistemind-dyisiklik-edilmlidir-vahid-hmdov.html https://kanal15tv.com/cemiyyet/15360-pensiya-sistemind-dyisiklik-edilmlidir-vahid-hmdov.html

Cəmiyyət / Sosial admin Fri, 07 Aug 2026 08:55:22 +0400 [/shortrss] [fullrss] https://kanal15tv.com/cemiyyet/15360-pensiya-sistemind-dyisiklik-edilmlidir-vahid-hmdov.html https://kanal15tv.com/cemiyyet/15360-pensiya-sistemind-dyisiklik-edilmlidir-vahid-hmdov.html ]]> admin Fri, 07 Aug 2026 08:55:22 +0400 [/fullrss] [yandexrss] https://kanal15tv.com/cemiyyet/15360-pensiya-sistemind-dyisiklik-edilmlidir-vahid-hmdov.html

Cəmiyyət / Sosial Fri, 07 Aug 2026 08:55:22 +0400

Azərbaycanda yaşlı, ağır xəstə və əlilliyi olan şəxslər üçün baxım sosial sığorta sisteminin yaradılması məqsədəuyğun olardı.

Bunu açıqlamasında iqtisadçı Vahid Əhmədov deyib.

Onun sözlərinə görə, belə sistem uzun illərdir Avropa ölkələri və ABŞ-da tətbiq olunur və insanların uzunmüddətli gündəlik qayğıya olan ehtiyaclarının qarşılanmasına xidmət edir.

"İnsan yaşlandıqca həm qulluq, həm maddi, həm də tibbi baxımdan ehtiyacları artır. Xüsusilə qulluq məsələsi çox önəmlidir. Belə bir sistemin Azərbaycanda da tətbiqi yaxşı olardı", – deyə o bildirib.

İqtisadçı qeyd edib ki, Azərbaycanda yaşlı insanlar üçün sosial xidmət müəssisələri fəaliyyət göstərsə də, hər kəs həmin müəssisələrdə yaşamaq istəmir.

"Elə insanlar var ki, evini tərk etmək istəmir və öz evində qalmağa üstünlük verir. Belə şəxslərin ev şəraitində qulluq, tibbi xidmət və digər ehtiyaclarının qarşılanması üçün baxım sosial sığorta sisteminin tətbiqi faydalı ola bilər", – V.Əhmədov vurğulayıb.

O hesab edir ki, bu sistem xüsusilə ağır xəstələr və əlilliyi olan şəxslər üçün daha əlverişli olar.

Vahid Əhmədov bildirib ki, pensiya sistemində də dəyişikliklərə ehtiyac var.

"İnsanlar pensiyaya çıxana qədər sosial sığorta haqqı ödəyirlər və onların fərdi hesablarında vəsait toplanır. Elə insanlar var ki, həmin hesabda 200-400 min manat vəsaiti formalaşıb. Hesab edirəm ki, pensiyaya çıxdıqdan sonra həmin vəsaitin müəyyən hissəsindən öz ehtiyaclarını ödəmək üçün istifadə edə bilməlidirlər. Çünki bu, onların öz əməyi hesabına yığılan vəsaitdir", – deyə o bildirib.

İqtisadçı əlavə edib ki, Azərbaycanın maliyyə imkanları belə bir modelin mərhələli şəkildə tətbiqinə şərait yaradır.

"Azərbaycanda maliyyə vəziyyəti normaldır. Belə islahatları birdən-birə deyil, mərhələli şəkildə həyata keçirmək mümkündür. Bununla yanaşı, yaşlılar, əlillər və ağır xəstələrə dövlət dəstəyinin daha da genişləndirilməsinə ehtiyac var", – Vahid Əhmədov qeyd edib. [/yandexrss][shortrss] https://kanal15tv.com/iqtisadiyyat/15345-kartdan-karta-odnislrd-limit-kimlr-ttbiq-olunmayacaq-aciqlama.html https://kanal15tv.com/iqtisadiyyat/15345-kartdan-karta-odnislrd-limit-kimlr-ttbiq-olunmayacaq-aciqlama.html

İqtisadiyyat / Sosial admin Thu, 06 Aug 2026 09:05:40 +0400 [/shortrss] [fullrss] https://kanal15tv.com/iqtisadiyyat/15345-kartdan-karta-odnislrd-limit-kimlr-ttbiq-olunmayacaq-aciqlama.html https://kanal15tv.com/iqtisadiyyat/15345-kartdan-karta-odnislrd-limit-kimlr-ttbiq-olunmayacaq-aciqlama.html ]]> admin Thu, 06 Aug 2026 09:05:40 +0400 [/fullrss] [yandexrss] https://kanal15tv.com/iqtisadiyyat/15345-kartdan-karta-odnislrd-limit-kimlr-ttbiq-olunmayacaq-aciqlama.html

İqtisadiyyat / Sosial Thu, 06 Aug 2026 09:05:40 +0400

"Kartdan-karta köçürmələrə limitlərin tətbiqi ilə yanaşı, vətəndaşların gündəlik maliyyə əməliyyatlarına mənfi təsirin minimuma endirilməsi üçün bir sıra istisnalar da nəzərdə tutulub".

Bu fikirləri açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov bildirib.

Onun sözlərinə görə, müəyyən edilmiş aylıq limit kifayət qədər yüksəkdir və sahibkarlıq fəaliyyəti ilə məşğul olmayan vətəndaşlar bu limit çərçivəsində kartdan-karta köçürmələri rahatlıqla həyata keçirə biləcəklər.

“Digər tərəfdən, yaxın qohumlar və ya risk qrupuna daxil olmayan vətəndaşlar arasında kartdan-karta köçürmələrlə bağlı hər hansı məhdudiyyətin tətbiqi nəzərdə tutulmayıb”.

Deputat qeyd edib ki, yeni mexanizmin əsas məqsədi şəffaflığın artırılması, kartlardan vəsaitlərin oğurlanması hallarının minimuma endirilməsi və vergidən yayınmanın qarşısının alınmasıdır:

“Bir sıra hallarda, baxmayaraq ki, bu qanunla qadağan edilib, bəzi sahibkarlar mal və ya xidmət satarkən ödənişləri kartdan-karta köçürmə yolu ilə qəbul edirdilər. Nəticədə həmin ödənişlər vergidən yayınır, vergiyə cəlb olunmurdu”.



V.Bayramovun fikrincə, tətbiq olunan limitlər ilk növbədə kartdan-karta köçürmələr vasitəsilə mal və xidmət satan sahibkarlara təsir göstərəcək:

“Güman olunur ki, bu dəyişiklik xüsusilə kartdan-karta ödənişlərdən istifadə etməklə mal və xidmətlərini satan sahibkarların fəaliyyətinə təsir edəcək. Çünki onların bir sıra hallarda kartdan-karta ödəniş qəbul etdiyini nəzərə alsaq, tətbiq olunan limitlər həmin ödənişlərə təsir göstərə bilər. Bütün hallarda sahibkarların kartdan-karta ödəniş qəbul etməsi qanunvericiliyə ziddir. Çünki bu, vergidən yayınmaya səbəb olur. Ödənişlər mövcud qaydalara uyğun olaraq kassa vasitəsilə həyata keçirilməlidir”.

Deputat həmçinin vurğulayıb ki, vətəndaşların böyük əksəriyyəti əvvəlki qaydada kartdan-karta köçürmələrdən istifadə edə biləcək:

“Gündəlik 5 əməliyyat limiti aylıq 150 əməliyyat deməkdir. Bununla yanaşı, yaxın qohumlar arasında köçürmələrə limit tətbiq edilmir. Eyni zamanda, əməliyyatlar risk qrupuna daxil olmayan şəxslər arasında aparılırsa, bu halda da hər hansı məhdudiyyət yoxdur. Bu istisnalar limitlərin təsirini ciddi şəkildə azaldır”.

V.Bayramov onu da əlavə edib ki, kartdan-karta köçürmələrin böyük hissəsi məhz yaxın qohumlar və risk qrupuna daxil olmayan şəxslər arasında həyata keçirildiyindən, yeni qaydalar vətəndaşların gündəlik maliyyə əməliyyatlarına ciddi təsir göstərməyəcək:

“Güzəştlər və istisnalar imkan verəcək ki, vətəndaşlarımızın əksəriyyəti yeni mexanizm çərçivəsində də əvvəlki qaydada kartdan-karta ödənişlərini həyata keçirə bilsinlər”.

Məlumat üçün qeyd edək ki, avqustun 1-dən etibarən Azərbaycanda kartdan-karta köçürmələrə gündəlik əməliyyat limiti tətbiq olunub. Belə ki, yeni qaydalara əsasən, bir kartdan gün ərzində maksimum 5 köçürmə əməliyyatının həyata keçirilməsi nəzərdə tutulur. [/yandexrss][shortrss] https://kanal15tv.com/cemiyyet/15340-sosial-sbklrd-yas-tlblrini-pozanlar-bu-qdr-crimlnck.html https://kanal15tv.com/cemiyyet/15340-sosial-sbklrd-yas-tlblrini-pozanlar-bu-qdr-crimlnck.html

Cəmiyyət / Sosial admin Wed, 05 Aug 2026 14:02:50 +0400 [/shortrss] [fullrss] https://kanal15tv.com/cemiyyet/15340-sosial-sbklrd-yas-tlblrini-pozanlar-bu-qdr-crimlnck.html https://kanal15tv.com/cemiyyet/15340-sosial-sbklrd-yas-tlblrini-pozanlar-bu-qdr-crimlnck.html ]]> admin Wed, 05 Aug 2026 14:02:50 +0400 [/fullrss] [yandexrss] https://kanal15tv.com/cemiyyet/15340-sosial-sbklrd-yas-tlblrini-pozanlar-bu-qdr-crimlnck.html

Cəmiyyət / Sosial Wed, 05 Aug 2026 14:02:50 +0400

Azərbaycanda yaş məhdudiyyəti tətbiq edilən sosial şəbəkə platformalarının fəaliyyəti ilə bağlı tələblərin pozulmasına görə yeni cərimələr müəyyənləşib.

Xəbər verilir ki, bu, Prezident İlham Əliyevin təsdiqlədiyi qanunda öz əksini tapıb.

“İnformasiya, informasiyalaşdırma və informasiyanın mühafizəsi haqqında” Azərbaycan Respublikası Qanununun 13-4.13-cü maddəsində qeyd edilən məlumatların müvafiq icra hakimiyyəti orqanının müəyyən etdiyi orqana (quruma) təqdim edilməməsinə və ya təqdim edilməsi müddətinin pozulmasına, yaxud natamam və ya təhrif edilmiş məlumatın təqdim edilməsinə görə vəzifəli şəxslər 6000 manatdan 7000 manatadək məbləğdə, hüquqi şəxslər 15 min manatdan 20 min manat manatdək məbləğdə cərimə ediləcək.

Müvafiq icra hakimiyyəti orqanının müəyyən etdiyi orqanın (qurumun) göndərdiyi sorğuların yaş məhdudiyyəti tətbiq edilən sosial şəbəkə platformasının provayderi tərəfindən 5 iş günü ərzində cavablandırılmamasına, yaxud natamam və ya təhrif edilmiş məlumatların təqdim edilməsinə görə vəzifəli şəxslər 7000 manatdan 8000 manatadək məbləğdə, hüquqi şəxslər 25 min manatdan 30 min manatdək məbləğdə cərimə ediləcək.

Yaş məhdudiyyəti tətbiq edilən sosial şəbəkə platformalarından təhlükəsiz istifadə ilə bağlı tələblərin pozulmasına, yəni:

- fərdi rəqəmsal hesabın yaradılması zamanı “İnformasiya, informasiyalaşdırma və informasiyanın mühafizəsi haqqında” Qanunun 13-4.2-ci və 13-4.4-cü maddələrində müəyyən edilmiş texniki üsulların tətbiq edilməməsinə və ya həmin Qanunun 13-4.2 - 13-4.5-ci maddələrinin tələbləri pozulmaqla tətbiq edilməsinə;

- 16-18 yaş arası istifadəçilərin fərdi rəqəmsal hesablarına münasibətdə “İnformasiya, informasiyalaşdırma və informasiyanın mühafizəsi haqqında” Qanunun 13-4.11-ci maddəsində göstərilən texniki və təhlükəsizlik tədbirlərinin təmin edilməməsinə;

- 16-18 yaş arası istifadəçilərin həyatına, sağlamlığına, cinsi toxunulmazlığına, şərəfinə, ləyaqətinə və qanunla qorunan digər hüquq və azadlıqlarına təhlükə yaradan zərərli məzmunların yayılmasının qarşısının alınması üçün platformada fasiləsiz rejimdə fəaliyyət göstərən və operativ müdaxiləni təmin edən rəqəmsal həllərin tətbiq olunmamasına, yaxud zərərli məzmunun aşkar edildiyi andan etibarən 24 saat ərzində yayılmasının qarşısının alınmamasına;

- toplanılmış fərdi məlumatların sosial şəbəkə platformaları provayderlərinin informasiya sistemində saxlanılmasına, həmin məlumatların üçüncü şəxslərə ötürülməsinə və ya fərdi məlumatlardan yaşın yoxlanılması məqsədi istisna olmaqla, kommersiya, hədəfli reklam (konkret istifadəçiyə yönələn) və ya digər məqsədlər üçün istifadə edilməsinə;

- fərdi rəqəmsal hesabı olan şəxsin yetkinlik yaşına çatanadək yerləşdirdiyi məlumatların, paylaşdığı məzmunun və fərdi məlumatlarının özünün, yetkinlik yaşına çatmadığı halda qanuni nümayəndəsinin və ya müvafiq icra hakimiyyəti orqanının müəyyən etdiyi orqanın (qurumun) müraciəti əsasında silinməsinin təmin edilməməsinə görə

vəzifəli şəxslər 8000 manatdan 9000 manatadək məbləğdə, hüquqi şəxslər 35 min manatdan 40 min manatadək məbləğdə cərimə ediləcək.

Yuxarıdakı nəzərdə tutulmuş bütün xətaların inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən bir il ərzində təkrar törədilməsinə görə vəzifəli şəxslər 9000 manatdan 10 min manatadək məbləğdə, hüquqi şəxslər 45 min manatdan 50 min manatadək məbləğdə cərimə ediləcək. [/yandexrss][shortrss] https://kanal15tv.com/cemiyyet/15336-taksi-suruculri-ucun-imtahan-kecirilck.html https://kanal15tv.com/cemiyyet/15336-taksi-suruculri-ucun-imtahan-kecirilck.html

Cəmiyyət / Sosial admin Wed, 05 Aug 2026 11:17:57 +0400 [/shortrss] [fullrss] https://kanal15tv.com/cemiyyet/15336-taksi-suruculri-ucun-imtahan-kecirilck.html https://kanal15tv.com/cemiyyet/15336-taksi-suruculri-ucun-imtahan-kecirilck.html ]]> admin Wed, 05 Aug 2026 11:17:57 +0400 [/fullrss] [yandexrss] https://kanal15tv.com/cemiyyet/15336-taksi-suruculri-ucun-imtahan-kecirilck.html

Cəmiyyət / Sosial Wed, 05 Aug 2026 11:17:57 +0400

Dövlət İmtahan Mərkəzi taksi minik avtomobili sürücüləri, həmçinin ümumi istifadədə olan avtomobil nəqliyyatı ilə ölkədaxili sərnişin və yük daşımalarını yerinə yetirən sürücülər üçün 6 avqust 2026-cı il tarixində imtahan keçirəcək.

Xəbər verilir ki,imtahanda iştirak etmək üçün ümumilikdə 1840 nəfər qeydiyyatdan keçib.

İmtahan DİM-in elektron imtahanlar korpusunda (Bakı ş.,Binəqədi rayonu, S.S.Axundov, 50. TÜRKPA-nın yanı) və Naxçıvan şəhəri 4 saylı orta məktəbdə keçiriləcək.

İmtahan saat 11:00 və 15:00 olmaqla iki növbədə təşkil olunur və 1 saat davam edir. İştirakçılar imtahanı yekunlaşdırdıqda və ya imtahan üçün ayrılan vaxt başa çatdıqda nəticələrlə tanış olmaq imkanına malik olurlar. Nəticələr həmçinin DİM-in saytına yerləşdirilir.

Namizədlər “İmtahana buraxılış vərəqəsi”ni "Elektron imtahanlara buraxılış vərəqələri və nəticələrin çapı" xidməti vasitəsilə çap edə bilərlər. İştirakçılar "İmtahana buraxılış vərəqəsi"ndə göstərilən vaxtda imtahan binasının qarşısında olmalıdırlar.

Namizədlər imtahana gələrkən "İmtahana buraxılış vərəqəsi" və şəxsiyyət vəsiqəsininin əslini mütləq təqdim etməlidirlər. Göstərilən sənədlərdən biri olmadıqda və ya onlar arasında uyğunsuzluq olduqda namizəd imtahana buraxılmır.

İmtahanda taksi minik avtomobillərinin sürücüləri üçün avtomobil nəqliyyatı ilə sərnişin daşımalarını tənzimləyən normativ hüquqi aktlara dair 15, sürücülərin etik davranışına dair 5 olmaqla, ümumilikdə 20 tapşırıq, ümumi istifadədə olan avtomobil nəqliyyatı ilə ölkədaxili sərnişin və yük daşımaları yerinə yetirən sürücülər üçün isə peşə fəaliyyəti və davranış qaydaları, iş və istirahət rejiminin xüsusiyyətləri, avtomobil nəqliyyatı ilə sərnişin daşımalarını tənzimləyən normativ hüquqi aktlara dair 20 tapşırıq təqdim olunur. Hər tapşırığın düzgün cavabı 1 balla qiymətləndirilir. Səhv cavablar düzgün cavabların nəticəsinə təsir göstərmir. 10 və daha çox bal toplamış şəxslər imtahanı müvəffəqiyyətlə vermiş sayılırlar və onlara 7 (yeddi) il müddətində etibarlı olan şəhadətnamə təqdim edilir.

İştirakçılar “Yaddaş kitabçası” ilə buradan tanış ola bilərlər. [/yandexrss][shortrss] https://kanal15tv.com/sosial/15323-kartdan-karta-kocurmlrd-yeni-qaydalarin-mqsdi-aciqlandi.html https://kanal15tv.com/sosial/15323-kartdan-karta-kocurmlrd-yeni-qaydalarin-mqsdi-aciqlandi.html

Sosial admin Tue, 04 Aug 2026 13:45:59 +0400 [/shortrss] [fullrss] https://kanal15tv.com/sosial/15323-kartdan-karta-kocurmlrd-yeni-qaydalarin-mqsdi-aciqlandi.html https://kanal15tv.com/sosial/15323-kartdan-karta-kocurmlrd-yeni-qaydalarin-mqsdi-aciqlandi.html ]]> admin Tue, 04 Aug 2026 13:45:59 +0400 [/fullrss] [yandexrss] https://kanal15tv.com/sosial/15323-kartdan-karta-kocurmlrd-yeni-qaydalarin-mqsdi-aciqlandi.html

Sosial Tue, 04 Aug 2026 13:45:59 +0400

Avqustun 1-dən etibarən Azərbaycan Respublikasının Mərkəzi Bankı ilə kommersiya bankları arasında əldə olunmuş razılaşmaya əsasən kartdan-karta pul köçürmələri üzrə yeni limitlər tətbiq edilir. Yeni qaydalara əsasən məhdudiyyətlər köçürülən vəsaitin məbləği, əməliyyatların sayı, eləcə də istifadə olunan ödəniş kartları və elektron pul hesablarının sayı üzrə müəyyən edilir.

Açıqlamasında Milli Məclisin İqtisadi siyasət, sənaye və sahibkarlıq komitəsinin sədr müavini Azər Badamov ilk olaraq qeyd edib ki, bu qərar kartdan-karta pul köçürmələrinin qadağan olunması anlamına gəlmir. Məqsəd vətəndaşların gündəlik maliyyə əməliyyatlarını məhdudlaşdırmaq deyil, ödəniş sistemlərindən kommersiya fəaliyyəti və vergidən yayınma məqsədilə sui-istifadə hallarının qarşısını almaqdır. Mövcud qaydalara əsasən vətəndaş gün ərzində öz kartından 5 dəfə köçürmə edə və eyni sayda köçürmə qəbul edə bilir ki, bu da əhalinin gündəlik tələbatı üçün kifayət qədər adekvat göstəricidir.

"Son illər Azərbaycanda nağdsız ödənişlərin genişləndirilməsi dövlət iqtisadi siyasətinin əsas istiqamətlərindən biri olub. "ƏDV geri al" layihəsinin tətbiqi, rəqəmsal ödəniş infrastrukturunun genişləndirilməsi və elektron bank xidmətlərinin inkişafı nəticəsində nağdsız hesablaşmaların həcmi davamlı şəkildə artır. Bu siyasətin əsas məqsədi yalnız müasir ödəniş vərdişlərinin formalaşdırılması deyil, həm də iqtisadiyyatın şəffaflığının artırılması, kölgə iqtisadiyyatının həcminin azaldılması və vergi bazasının genişləndirilməsidir.

Statistik göstəricilər də bu siyasətin effektivliyini təsdiqləyir. 2026-cı ilin ilk yarısında ölkədaxili nağdsız ödənişlərin həcmi ötən ilin müvafiq dövrü ilə müqayisədə 14,5 faiz artmışdır. Eyni zamanda dövriyyədə olan bank kartlarının sayı 22 milyon 798 min ədədə çataraq illik müqayisədə 10,4 faiz yüksəlmişdir. Bundan əlavə, POS-terminallar vasitəsilə həyata keçirilən hər iki təmassız ödənişdən biri artıq Apple Pay və Google Pay kimi rəqəmsal platformalar üzərindən icra olunur. Bu platformalar vasitəsilə həyata keçirilən əməliyyatların sayında 67 faiz, ümumi məbləğində isə 66 faiz artım qeydə alınmışdır. Bütün bunlar ölkədə rəqəmsal ödənişlərin sürətlə inkişaf etdiyini göstərir".

Deputatın sözlərinə görə, müsbət dinamika ilə yanaşı, bəzi sahibkarlıq subyektləri qanunvericiliyin tələblərindən yayınmaq məqsədilə kartdan-karta köçürmələrdən istifadə edib:



"Belə hallarda POS-terminal vasitəsilə ödəniş qəbul etmək və kassa çeki təqdim etmək əvəzinə alıcılara şəxsi bank kartlarının nömrələri təqdim olunur, ödənişlər isə kartdan-karta köçürmə şəklində həyata keçirilirdi. Nəticədə satış dövriyyəsinin bir hissəsi rəsmi uçotdan kənarda qalır, vergi öhdəlikləri tam yerinə yetirilmir və qeyri-rəsmi iqtisadi fəaliyyət genişlənirdi.

Yeni limitlərin tətbiqi məhz bu boşluğu aradan qaldırmağa yönəlib. Məhdudiyyətlər kommersiya məqsədilə çoxsaylı kartlardan istifadənin iqtisadi səmərəliliyini azaldır və sahibkarları ödənişləri qanunvericiliyin tələblərinə uyğun şəkildə POS-terminal və kassa aparatları vasitəsilə qəbul etməyə təşviq edir. Bu isə fiskal intizamın güclənməsinə, dövriyyələrin tam uçotunun aparılmasına və vergi inzibatçılığının səmərəliliyinin yüksəlməsinə xidmət edir".

Sədr müavini onu da əlavə edib ki, digər mühüm məqam maliyyə təhlükəsizliyi ilə bağlıdır:

"Kartdan-karta köçürmələr üzərində nəzarətin gücləndirilməsi çirkli pulların yuyulması, qanunsuz maliyyə axınları, dələduzluq sxemləri və qanunsuz mərc oyunlarının maliyyələşdirilməsi risklərinin azaldılmasına da töhfə verir. Müasir maliyyə sistemlərində ödəniş əməliyyatlarının izlənilə bilməsi maliyyə sabitliyinin və maliyyə təhlükəsizliyinin əsas elementlərindən biri hesab olunur.

Bu qərarın adi vətəndaşların gündəlik ödəniş davranışına ciddi təsir göstərəcəyi gözlənilmir. Əksinə, tənzimləmə kommersiya fəaliyyəti ilə şəxsi maliyyə əməliyyatları arasında sərhədlərin daha aydın müəyyənləşdirilməsinə xidmət edir. Nəticədə rəqabət mühiti sağlamlaşacaq, qanuni fəaliyyət göstərən sahibkarlar üçün daha bərabər rəqabət şəraiti formalaşacaq və dövlət büdcəsinin vergi gəlirləri artacaq".

A.Badamov qeyd edib ki, vergi daxilolmalarının artması dövlətin sosial müdafiə, təhsil, səhiyyə və infrastruktur layihələrinin maliyyələşdirilməsi imkanlarını genişləndirəcək:

"Başqa sözlə, kartdan-karta köçürmələr üzrə tətbiq olunan yeni limitlər təkcə maliyyə sektorunda inzibati dəyişiklik deyil, həm də kölgə iqtisadiyyatının azaldılması, fiskal dayanıqlığın gücləndirilməsi və rəqəmsal iqtisadiyyatın inkişafına xidmət edən mühüm institusional islahatlardan biridir.
Bu baxımdan yeni qaydalar həm maliyyə intizamının möhkəmləndirilməsi, həm də uzunmüddətli perspektivdə şəffaf, rəqabətli və dayanıqlı iqtisadi mühitin formalaşdırılması istiqamətində atılmış mühüm addım kimi qiymətləndirilməlidir", - deyə deputat fikrini tamamlayıb. [/yandexrss][shortrss] https://kanal15tv.com/cemiyyet/15308-qarabagda-3-mindn-cox-yeni-abunci-telekommunikasiya-xidmtlrin-qosuldu.html https://kanal15tv.com/cemiyyet/15308-qarabagda-3-mindn-cox-yeni-abunci-telekommunikasiya-xidmtlrin-qosuldu.html

Cəmiyyət / Sosial admin Mon, 03 Aug 2026 10:35:56 +0400 [/shortrss] [fullrss] https://kanal15tv.com/cemiyyet/15308-qarabagda-3-mindn-cox-yeni-abunci-telekommunikasiya-xidmtlrin-qosuldu.html https://kanal15tv.com/cemiyyet/15308-qarabagda-3-mindn-cox-yeni-abunci-telekommunikasiya-xidmtlrin-qosuldu.html ]]> admin Mon, 03 Aug 2026 10:35:56 +0400 [/fullrss] [yandexrss] https://kanal15tv.com/cemiyyet/15308-qarabagda-3-mindn-cox-yeni-abunci-telekommunikasiya-xidmtlrin-qosuldu.html

Cəmiyyət / Sosial Mon, 03 Aug 2026 10:35:56 +0400

“AZCON Holding” şirkətlərindən olan “Aztelekom” MMC “Azərbaycanın işğaldan azad edilmiş ərazilərinə Böyük Qayıdışa dair I Dövlət Proqramı” çərçivəsində Qarabağ və Şərqi Zəngəzur iqtisadi rayonlarında rabitə və internet xidmətlərinin genişləndirilməsi istiqamətində fəaliyyətini davam etdirir.

Xəbər verilir ki, bu ilin yanvar-iyun ayları ərzində 3,367 yeni abunəçinin (3,195 ev təsərrüfatı və 172 biznes subyekti) xidmətlərə qoşulması nəticəsində Dövlət Proqramının icrasına başlanıldığı vaxtdan cari ilin iyul ayınadək azad edilmiş ərazilərdə telekommunikasiya şəbəkəsinə qoşulanların ümumi sayı 10,495 abunəçiyə (9,951 ev təsərrüfatı və 544 biznes subyekti) çatıb.

Qeyd edək ki, hesabat dövründə işğaldan azad olunmuş ərazilərdə yerləşən 11 şəhər mərkəzi, 34 kənd və qəsəbədə yeni abunəçilərin yüksəksürətli internet və telefoniya xidmətlərinə qoşulması təmin edilib.

“Aztelekom” MMC tərəfindən həyata keçirilən tədbirlər bölgədə mövcud rabitə infrastrukturunun imkanlarının genişləndirilməsinə və əhalinin rəqəmsal xidmətlərə çıxışının artırılmasına yönəlib. [/yandexrss][shortrss] https://kanal15tv.com/sosial/15293-tiktoker-mujgan-hbs-edildi.html https://kanal15tv.com/sosial/15293-tiktoker-mujgan-hbs-edildi.html

Sosial / Şou-biznes admin Sat, 01 Aug 2026 11:29:40 +0400 [/shortrss] [fullrss] https://kanal15tv.com/sosial/15293-tiktoker-mujgan-hbs-edildi.html https://kanal15tv.com/sosial/15293-tiktoker-mujgan-hbs-edildi.html ]]> admin Sat, 01 Aug 2026 11:29:40 +0400 [/fullrss] [yandexrss] https://kanal15tv.com/sosial/15293-tiktoker-mujgan-hbs-edildi.html

Sosial / Şou-biznes Sat, 01 Aug 2026 11:29:40 +0400

Sosial şəbəkələrdə cəmiyyətə qarşı hörmətsizlik, mənəvi dəyərlərə uyğun olmayan qeyri-etik davranışlar və yayımlar edən daha bir xanım tiktoker həbs edilib.

Xəbər verilir ki, 1992-ci il təvəllüdlü Məmmədzadə Müjgan Əziz qızı Sabunçu rayon 12-ci polis bölməsinin əməkdaşları tərəfindən saxlanılıb.

Onun barəsində İnzibati Xətalar Məcəlləsinin 510.2-ci (İnternet informasiya ehtiyatında və ya informasiya-telekommunikasiya şəbəkəsində kütləvi nümayiş etdirildiyi halda ictimai mənəviyyatı təhqir edən, cəmiyyətə açıqca hörmətsizlik ifadə edən hərəkətlərin edilməsinə, yəni əxlaqsız ifadələrin səsləndirilməsinə və ya belə məzmun təəssüratı yaradan jestlərin edilməsinə, yaxud insan bədəninin hissələrinin əxlaq normalarına və milli-mənəvi dəyərlərə zidd formada
göstərilməsi) maddəsi ilə ittiham irəli sürülüb və aidiyyəti üzrə Sabunçu rayon məhkəməsinə göndərilib.

Məhkəmənin yekun qərarı ilə Müjgan Məmmədzadə 10 sutka müddətinə inzibati qaydada həbs edilib.//Unikal [/yandexrss]