Ailə qurub Türkiyəyə köçən aktrisa Cəmilə Tağızadə ana olduqdan sonra xeyli çəki alıb.

XƏBƏRNUR axşam.az-a istinadən bildirir ki, sənətçi əvvəl və hazırki halının fotosunu paylaşaraq, müzakirə edib.

"Bir qadın uşaqdan sonra ancaq bu qədər dəyişə bilər. Aldığım kilolar, əynimə olmayan o özəl geyimlər, dəyişən bədən quruluşu heç vecimə deyil. Nə yaxşı ana olmuşam, övladım var və zamanla bütün çəkilərdən qurtulacam. Əvvəlki bədən formama tam geri dönməsəm də, bir az olacaq. Niyə əvvəlki kimi ola bilməyəcəm, çünki ayaqlarımda damarlar çıxıb. Varikoz genişlənməm var, beldə isə yırtıq yarandı. İstifadə etdiyim krem və yağlar fayda vermədi. Olacağa çarə yoxdur.

Canımız, balalarımız sağ olsun. Övladımla keçirdiyim hər anın dəyərini bilməyə çalışıram. Zamanla hər şey düzələcək. Doğumdan sonra kökələn xanımlar, üzülməyin. Əsas övladınız, ona ana südü verməyinizdir. Analıq fədakarlıqdır".