Hökumət parlamentə hesabat verməyə HAZIRLAŞIR
Hesabatda hökumətin ötən il gördüyü işlər, Nazirlər Kabenetinin fəaliyyəti yer alacaq.
Nazirlər Kabinetinin mətbuat katibi İbrahim Məmmədov bildirib ki, hesabatı Baş nazir Əli Əsədov təqdim edəcək.
O qeyd edib ki, hesabatın təqdim ediləcəyi iclasa bütün Nazirliklər dəvət edilir. Mətbuat katibi bildirib ki, iclasda nazirlərin, nazir müavinlərinin iştirak edəcəyi gözlənilir.
Xatırladaq ki, hökumətin parlamentə hesabat verməsi təcrübəsi konstitusion norma kimi müəyyən olunub. Belə bir hesabatlılıq hər iki qurum arasında konstruktiv və işgüzar əməkdaşlığa töhfə verir, hökumətin gördüyü işləri deputatlarla birlikdə təhlil etməyə və qarşıda dayanan vəzifələri bir daha dəqiqləşdirməyə şərait yaradır.
Hesabat təqdim edildikdən sonra səsə qoyulur və nəzərə alınır.
