Azərbaycan Respublikasında hər ilin 9 iyulinda keçirilən diplomatların peşə günü, eyni zamanda milli diplomatiyada mühüm rol oynayan qadınların da fəaliyyətini xatırlamaq üçün önəmli fürsətdir.

Azərbaycan Xarici İşlər Nazirliyi və onun xarici nümayəndəliklərində çalışan qadın diplomatların sayı və tutduqları vəzifələri araşdırıb.

Xarici İşlər Nazirliyində çalışan qadın diplomatlar

Azərbaycan Respublikasının Xarici İşlər Nazirliyində hazırda ümumilikdə 361 diplomat çalışır. Onlardan 147-si qadın, 214-ü isə kişi əməkdaşlardır. Qadınlar idarəetmədən tutmuş orta və aşağı vəzifələrə qədər müxtəlif strukturlarda təmsil olunurlar.

Qadınların tutduqları əsas vəzifələr:

İdarə rəisi – 4 nəfər
Rəis müavini – 6 nəfər
Şöbə müdiri – 20 nəfər
I katib – 31 nəfər
II katib – 20 nəfər
III katib – 16 nəfər
Attaşe – 9 nəfər

Bununla belə, “Xüsusi tapşırıqlar üzrə səfir” vəzifəsində çalışan qadın yoxdur.

Xaricdəki diplomatik nümayəndəliklərdə çalışan qadınlar

Azərbaycanın xarici ölkələrdəki səfirlik və konsulluqlarında ümumilikdə 366 diplomat fəaliyyət göstərir. Onlardan 69-u qadın, 297-si isə kişi diplomatdır.

Xaricdəki təmsilçilik strukturlarında qadınların sayı daha azdır.

Səfir vəzifəsində cəmi 2 qadın, 62 kişi təmsil olunur.

Baş konsul – 1 qadın
Müşavir – 9 qadın
I katib – 16 qadın
II katib – 19 qadın
III katib – 8 qadın
Attaşe – 9 qadın

Həmçinin müşavir elçisi vəzifəsini icra edən azərbaycanlı qadın yoxdur.