171saylı orta məktəbdə özbaşınalıq hələ də davam edir.

Artıq 8 ildir ki, 171 saylı məktəbin direktoru vəzifəsində calışan 68 yaşlı Zemfira Məsiyeva məktəbdə sağlam idarəçilik sistemi qurmaq əvəzinə, şəxsi maraqlarını önə çəkərək kollektivdə daimi narazılıq, qarışıqlıq və ikitirəlik yaradıb.
Direktor təyin olunandan sonra məktəbdə işləyən bütün rəsmi müavinləri işdən uzaqlaşdırılıb.
Təhsil idarəsi tərəfindən göndərilən hər bir yeni müavin isə müxtəlif bəhanələrlə bir gün ərzində vəzifədən kənarlaşdırılıbdır. Bu isə acıq-aşkar qanunsuzluqdur və direktorun öz komandası ilə məktəbdə şəxsi maraqları yönündə özünü idarə etmə prinsipi ilə işlədiyinin nümayişidir. Məktəbdə hazırda qeyri-rəsmi idarəçilik sistemi özünü nə ilə göstərir? Nazirliyin təyin etdiyi yeni dərs hissə müdirləri bir gündən artıq işləyə bilmədikləri halda özünün təyin etdiyi İbtidai siniflərin qeyri-rəsmi təlim tədris üzrə müavini Bilalova Nüşabə və rus bölməsi üzrə qeyri-rəsmi təlim tədris üzrə müavin Kelexsayeva Oksana uzun zamandır fəaliyyət göstərirlər.
Tək rəsmi müavin olan Azərbaycan dili müəllimi Əhmədova Sima isə Zemfira Məsiyeva məktəbin direktoru təyin olunan gündən onun əmrlərinə qeyd-şərtsiz əməl etdiyi üçün məktəbin idarəçiliyində əsas fiqur kimi cıxış edir və digər iki “müavin” kimi yalnız direktorun şəxsi göstərişlərıinə uygün hərəkət edirlər. Nəticədə dərs bölgüsü,cədvəl tərtibi, şagird və valideynlərlə bağlı məsələlər şəffaf deyil, gizli və qanunsuz şəkildə həyata kecirilir. Ən “yağlı yerindən” özlərinə “pay” götürən bu “müavinlər” dərs saatı çoxluğundan və iş çoxluğundan bəzən heç üzünü görmədikləri siniflər var ki, digər müəllimləri əvəzə məcbur edirlər. Əhmədova Sima isə ümumiyyətlə dərslərə girmir və şagirdlər tərəfindən tanınmır.
Tədbirlərin kecirilməsi üçün dayanmadan müəllimlərdən vəsait yığılır. Boyun əyməyən müəllim isə linç edilir, haqqında “dosye” toplanır, dərs saatı və ailəsindəki problemlərlə hədələnir, ağır sözlərlə təhqir edilir, pedoqoji şura iclaslarının əsas mövzusu olur.
Təhsil Nazirliyi və baş Təhsil idarəsi bu məktəbdəki vəziyyəti araşdırmalı,həm qanunsuz idarəçiliyə,həm də müəllimlərin sıxışdırılmasına son qoyulmalıdır.
Təhsil şəxsi maraqlara yox, dövlətin qanunlarına və gələcək nəsillərin sağlam inkişafına xidmət etməlidir.
Avqust ayının 26 sında işə cıxmağımıza və sentyabrın ilk həftəsi keçməsinə baxmayaraq hələ də dərs bölgüsü elan olunmayıb, dərs cədvəli təqdim edilməyib. Soruşduqda da Əhmədova Simadan aldığımız cavab “Zemfira xanım gəlib özü bölgünü aparacaq” olur. Bu gedişlə məktəbdə doğru cədvəl ən yaxşı halda noyabr ayına hazır olar. O da yenə də müəllimin təhsil nazirliyi tərəfindən biliyinin qiymətləndirilməsi əsasında deyil, direktorun “könlünü necə alması” əsasında hazırlanır.
Dərs ilinin başlanmasına baxmayaraq, hələ də Nazirlik tərəfindən 171 saylı məktəbdəki bu özbaşınalıq və haqsızlıqlar araşdırılmır və ölçü götürülmür. Amma biz yenə də inanırıq ki, yuxarı instansiyalar bu özbaşnalığa nəhayət ki, son qoyacaq. Artıq 68 yaşlı danışığını və hərəkətlərini idarə etmək iqtidarında olmayan Zemfira Məsiyeva yaşla əlaqəli pensiyaya çıxarılacaq və adından məktəbdə “terror” əsdirən şəxslərə qarşı da tədbir görüləcəkdir.

Azərbaycan Respublikası Elm və Təhsil Nazirliyi