Abşeron-Xızı Regional Təhsil İdarəsinin tabeliyində olan 17 ümumtəhsil məktəbində “Diferensial tədris” layihəsinin tətbiqinə başlanıb. Artıq layihə üzrə ilkin fəaliyyətlər uğurla həyata keçirilir. Layihə çərçivəsində Sumqayıt şəhəri 12 nömrəli tam orta ümumtəhsil məktəbinin pedaqoji kollektivi ilə görüş keçirilib.
Görüşdə Abşeron-Xızı Regional Təhsil İdarəsinin müdiri İlhamə Abdullayeva, İdarə müdirinin müavinləri Aynur Rüstəmova, Aydın Rəhimov, tədrisin keyfiyyəti və yerli təhsil sektorlarının müdirləri və əməkdaşları, eləcə də məktəbin rəhbər və müəllim heyəti iştirak ediblər.
Görüş zamanı direktor, direktor müavinləri, fənn müəllimlərinin milli qiymətləndirmə, buraxılış imtahanı, diaqnostik qiymətləndirmə barədə təhlilləri, fəaliyyət planlarını əhatə edən hesabatları dinlənilib.
Hesabatlar əsasında qarşılıqlı müzakirələr aparılib, müəllimlərin fəaliyyətinin təkmilləşdirilməsi, qarşıya qoyulmuş hədəflərə çatmaq üçün təklif və tövsiyələr verilib.