27 oktyabr 2025-ci il tarixdə Laçın rayonu 28 nömrəli tam orta məktəbdə, Ailə, Qadın və Uşaq Problemləri üzrə Dövlət Komitəsi yanında fəaliyyət göstərən Uşaq Səfirlər Məclisinin təşəbbüsü, Laçın Rayon İcra Hakimiyyətinin dəstəyi və Şərqi Zəngəzur Regional Təhsil İdarəsinin Laçın Rayon Təhsil Sektorunun təşkilatçılığı ilə “Süni İntellekt Günümüzdə” adlı maarifləndirici tədbir keçirilib.
Tədbir açıq elan edildikdən sonra Azərbaycan Respublikasının Dövlət Himni səsləndirilib, Ulu Öndər Heydər Əliyevin, eyni zamanda şəhidlərimizin əziz xatirəsi bir dəqiqəlik sükutla yad edilib.
Tədbirdə Laçın Rayon İcra Hakimiyyətinin məsul işçisi, eyni zamanda Uşaq Səfirlər Məclisi ilə əlaqəli nümayəndəsi Nazilə Abbasova, Laçın rayon 28 nömrəli tam orta məktəbin direktoru Nofəl İsmayılov, “Azərbaycan Uşaqlarının İnkişaf Platforması” İctimai Birliyinin sədr müavini Misir Məmmədov, Uşaq Səfirlər Məclisinin Laçın rayon üzrə qızları təmsil edən regional nümayəndəsi Fəridə Həsənova, oğlanları təmsil edən regional nümayəndə Hüseyn Alızadə, eləcə də Uşaq Səfirlər Məclisinin Laçın rayonu üzrə könüllü fəalları – Əliəkbər Hüseynzadə, Zeynəb Xankişiyeva, Mehman Həmizəyev, Ərtoğrul Qulizadə, Sənan Həsənov, Nəzrin Şükürova, Ülkər Abbasova və Nuray Kərimli iştirak ediblər.
Tədbir zamanı uşaqlara süni intellektin mahiyyəti, ondan düzgün və məqsədyönlü istifadə qaydaları, eləcə də onun cəmiyyətə və insan həyatına təsiri barədə məlumat verilib.
Uşaqlar üçün maarifləndirici videoçarx nümayiş etdirilib, interaktiv sual-cavab və fikir mübadiləsi aparılıb. Tədbirin sonunda yeni fəallar təqdim olunub və seçilib, iştirakçılara təşəkkür bildirilib.