Qaradağda Səngəçal qəsəbəsi baxımsızlıq içində: sakinlər uçuruma sürüklənən problemlərlə üz-üzə qalıb.

Xebernur.com xəbər verir ki, Qaradağ Rayon İcra Hakimiyyətinin nəzarətində olan Səngəçal qəsəbəsində vəziyyət gündən-günə daha da ağırlaşır.
Sakinlərin sözlərinə görə, qəsəbə faktiki olaraq tam baxımsızlıq və diqqətsizlik içində çürüyür.

Qəsəbənin yolları bərbad vəziyyətdədir, nəqliyyat problemi isə illərdir həll olunmur.
Sakinlər bildirirlər ki, marşrut avtobuslarının olmaması əhalini hər gün ciddi çətinliklərlə üz-üzə qoyur.
Magistral yollarda keçidlərin olmaması isə təhlükəsizliyi sıfıra endirib.
İllər ərzində yol keçərkən baş verən ölümlər qəsəbə camaatının yaddaşından silinmir.

Sakinlərin haqlı sualı isə açıq qalır:

“Hər il buraya ayrılan büdcə hara gedir? Niyə Səngəçal qəsəbəsinin problemləri illərlə həll olunmur? Kim bu məsuliyyətsizliyin cavabını verəcək?”

İcra Hakimiyyətinin biganəliyindən bezən insanlar bildirirlər ki, bu vəziyyət artıq yalnız narazılıq yox, dövlətə və vətəndaşa hörmətsizlik kimi qiymətləndirilməlidir.