Noyabrın 17-dən ümumi təhsil müəssisələrində payız tətili başlayır.

Bizim.Media xəbər verir ki, payız tətili 17-21 noyabr tarixlərini əhatə edəcək.


22-23 noyabr tarixləri şənbə və bazar günlərinə təsadüf etdiyi üçün dərslər 24 noyabr tarixindən başlayacaq.


Beləliklə, məktəblilər üçün 7 gün ardıcıl dərs olmayacaq.

Bu tətil ümumi təhsil müəssisələrinin məktəbəhazırlıq qruplarına da şamil ediləcək.

Qeyd edək ki, payız tətili “Ümumi təhsil müəssisələrində tədris ilinin müddəti”nin təsdiq edilməsi haqqında” Nazirlər Kabinetinin 24 fevral 2020-ci il tarixli 66 nömrəli Qərarının tələblərinə uyğun olaraq müəyyən edilib.