Şəhid baş leytenant Vüsal Kazımov anıldı — FOTOLAR

Bu gün şəhid baş leytenant Vüsal Kazımovun qəhrəmancasına həlak olmasının 5-ci ildönümü münasibətilə onun təhsil aldığı məktəbdə anım mərasimi keçirilib.

Tədbirdə Lənkəran ziyalıları, şəhər ictimaiyyətinin nümayəndələri və şəhidin ailə üzvləri, yaxınları iştirak ediblər.

Sözügedən mərasimdə bir sıra rəsmilər — Lənkəran Şəhər İcra Hakimiyyətinin başçısı Taleh Qaraşov, Milli Məclisin Elm və Təhsil Komitəsinin sədri, professor Anar İsgəndərov, Millət vəkili Elçin Mirzəbəyli, Bakı Dövlət Universitetinin professoru, tarix elmləri doktoru Şikar Qasımov, fəlsəfə doktoru, Azərbaycan Gənc Alim, Doktorant və Magistrlər Cəmiyyətinin sədri İlqar Orucov, Lənkəran-Astara Regional Təhsil İdarəsinin rəis müavini Rəhim Rəhimli və başqaları çıxış edərək Vüsal Kazımovun həyat yolundan, Vətənə olan xidmətindən, göstərdiyi şücaətdən söz açıb, onun və onun kimi fədakar övladların xatirəsinin xalqımız üçün müqəddəs, yenilməz olduğunu vurğulayaraq, döyüşlərə qatılan, canından keçən bütün Vətən oğullarının sayəsində bu torpaqlarda sülh və əmin-amanlığın bərqərar olduğunu xüsusən qeydiblər.

Tədbir Vüsal Kazımovun əziz xatirəsinə həsr olunmuş şeir və musiqi kompozisiyaları ilə məktəblilərin təqdimatında davam edib. Anım mərasiminin sonunda isə iştirakçılar şəhidin məzarını ehtiramla ziyarət ediblər.