Ağstafa sakini Qarabağ veteranı işsizlik və sosial biganəlikdən şikayət edir İcra başçısı Seymur Orucov hara baxır?

Ağstafa rayon Eynallı kənd sakini, Qarabağ müharibəsi veteranı Ələsgərov Rəsul Habil oğlu uzun müddətdir işsizlik və maddi çətinliklər içində yaşayır. Veteran aidiyyəti dövlət qurumlarına dəfələrlə müraciət etsə də cavabsız qalıb və yalnız cüzi təqaüdlə dolanmaq məcburiyyətindədir.
Mətnin davamı:
Rəsul Ələsgərov bildirib ki, Dövlət Məşğulluq Agentliyinin ona Qarabağ bölgəsində fəhləlik işi təklif etməsi qazilərə qarşı qeyri-ciddi münasibətin nümunəsidir. “Bu qədər xidmət göstərmiş bir vətəndaşa münasibət belə olmamalıdır. Qazi və veteranlar çətin durumda olan insanları fəhləlik təklifi ilə başdan etmək düzgün yanaşma deyil”, – deyə veteran vurğulayıb.
O, həmçinin Ağstafa Rayon İcra Hakimiyyətinin rəhbərliyinə, xüsusən də icra başçısı Seymur Orucova müraciət edərək, aidiyyəti qurumların obyektiv və ədalətli yanaşmasını, ixtisasına və statusuna uyğun layiqli işlə təmin olunmasını xahiş edib.
Veteran bildirir ki, məqsədi yalnız şəxsi rifahını təmin etmək deyil, həm də qazilərə göstərilən hörmət və sosial ədalətin təmin edilməsini görməkdir.