Bakı şəhəri Xətai Rayon İcra Hakimiyyətində kadr dəyişikliyi baş verib. Rayon rəhbəri Rafiq Quluyev əmr imzalayaraq icra başçısının müavini Etibar Əhmədovun vəzifəsindən azad olunmasını təsdiqləyib.

"Azərbaycan Reallığı" xəbər verir ki, 1956-cı il təvəllüdlü Etibar Əhmədov 2017-ci ildən Xətai RİH-in başçısının müavini kimi fəaliyyət göstərirdi. Bundan əvvəl isə o, müxtəlif illərdə icra hakimiyyətində fərqli vəzifələrdə çalışıb.
Məlumata görə, Əhmədovun işdən çıxarılmasının əsas səbəbi bir müddət əvvəl baş tutan müğənni Röyanın qarşılanma mərasimi ilə bağlı yaranan qalmaqaldır.Tədbirin təşkilində və Röyanın rəsmi protokola zidd dəvət olunmasında müavin məsul tutulub.
Əhmədovun vəzifədən azad olunması Xətai rayonunda siyasi və sosial mühitdə maraqlı reaksiyalar doğurub. Mütəxəssislər hesab edirlər ki, bu, yerli icra strukturlarında protokol qaydalarına ciddi riayət mesajı olaraq dəyərləndirilə bilər.
İddialarla bağlı qarşı tərəfində mövqeyini dəec etməyə hazırıq