Vətən müharibəsi qazisi Kənan Aşurov vəfat edib. Məlumata görə, qazi intihar edərək həyatına son qoyub. Bu acı xəbər onu tanıyanlar və yaxınları arasında dərin kədər hissi yaradıb.
Bildirilib ki, Kənan Aşurov doğulduğu Ağstafa rayonunda torpağa tapşırılıb.

Dəfn mərasimi rayon qəbiristanlığında keçirilib və yaxınları, dostları, həmçinin onu tanıyan insanlar qazinin son mənzilə yola salınmasında iştirak ediblər.
Qazinin anası İlhamə Aşurovaya başsağlığı mesajları ünvanlanır. Onu tanıyanlar və yaxınları ailəyə səbir diləyərək bu ağır itkinin dərdini bölüşürlər.
Jurnalist Nuranə Abdullayeva da mərhum qazinin ailəsinə başsağlığı verib. O bildirib ki, Kənan Aşurov Vətən uğrunda döyüşlərdə iştirak etmiş, cəsur və vətənpərvər insanlardan biri idi.
Qeyd edək ki, Vətən müharibəsində iştirak etmiş qazilər Azərbaycanın ərazi bütövlüyü uğrunda böyük fədakarlıq göstərərək tarix yazıblar. Kənan Aşurovun xatirəsi onu tanıyanların qəlbində daim yaşayacaq.

Allah rəhmət eləsin.