“Niyə siz “Artsax” deyirsiniz?!”

“News.am”a istinadən xəbər verilir ki, bu barədə Ermənistan parlamentinin spikeri Alen Simonyan suallarına cavab verdiyi jurnalistə irad tutub.

“Bəs onda Ermənistanın bəzi ərazilərinə Azərbaycan adları verilməyi sizi niyə narahat edir? Belə deyək, Sevana başqa ad verirlər?”, - deyə spiker narazılığını ifadə edib.

Simonyan özünün də nə vaxtsa bu adı işlətməsini səhv adlandırıb: “İndiki halda xahiş edirəm ki, Yerevan İrəvan və ya Sevan necəsə başqa cür adlandırılanda narahat olmayın”.

Jurnalistlərin “Sevan bizimdir” deməsinə isə Simonyan “Qarabağ da Azərbaycana məxsusdur” cavabını verib.