29 aprel 2026-cı il tarixdə Laçın Rayon İcra Hakimiyyətinin , Azərbaycan Qida Təhlükəsizliyi Agentliyinin Qarabağ Regional bölməsinin birgə təşkilatçılığı ilə Azərbaycan Respublikasının Prezidentinin 29 aprel 2019-cu il tarixli, 1143 nömrəli Sərəncamı ilə təsdiq olunmuş “ Azərbaycan Respublikasında qida təhlükəsizliyinin təmin edilməsinə dair 2019-2025-ci illər üçün Dövlət Proqramı“ nın 10.12.5-ci bəndinin ( Xüsusi (həssas əhali qruplarının ( uşaqlar, hamilə qadınlar və.s sağlam qidalanmasının təmin edilməsi istiqamətində tədbirlərin həyata keçirilməsi ( xüsusi pilot layihələrin icra edilməsi və.s )) icrası ilə əlaqədar rayonun bir neçə müəssisəsində maarifləndirici tədbir keçirilmişdir.

Laçın rayonu Taxta Körpü qəsəbə tam orta məktəbdə təşkil olunan tədbirdə Laçın Rayon İcra hakimiyyətinin məsul əməkdaşları, AQTA-nın Qarabağ regional bölməsinin nümayəndələri, Laçın Rayon Mərkəzi Xəstəxanası poliklinikasının həkim mama-ginekoloqu Təzəgül Ələkbərova, həkim-pediatr Aytəkin Yusifova eləcə də, məktəbin müəllim və şagird heyəti iştirak etmişdir. Əvvəlcə iştirakçılar Ulu Öndər Heydər Əliyevin və suverenliyimiz uğrunda canını fəda etmiş Vətən oğullarımızın əziz xatirəsini bir dəqiqəlik sükutla yad etmişdir. Tədbiri giriş sözü ilə açan Laçın Rayon İcra hakimiyyətinin Hüquq və kadr məsələləri sektorunun məsləhətçisi Minə Əliyeva xüsusi həssas əhali qrupları arasında sağlam qidalanma ilə bağlı videoçarx hazırlayaraq ətraflı və geniş çəkildə çıxış etdi. Laçın Rayon Mərkəzi Xəstəxanası poliklinikasının həkim mama-ginekoloqu Təzəgül Ələkbərova mövzu ilə bağlı şagirdlərlə profilaktik söhbət apararaq onların suallarını cavablandırdı. Daha sonra AQTA-nın Qarabağ regional bölməsinin tərəfindən hazırlanan videoçarx nümayiş olundu, qurumun müfəttişi Hikmət Tarverdiyev qida təhlükəsizliyi mövzusunda ətraflı məlumat verdi. Daha sonra tədbir iştirakçılarına qida təhlükəsizliyi və sağlam qidalanma ilə bağlı bukletlər paylanıldı. Tədbirdə iştirak edən Laçın Rayon Taxta Körpü qəsəbə tam orta məktəbin şagirdləri mövzu ilə bağlı çox sayda suallar hazırlayaraq iştirakçılarla birlikdə maraqlı və faydalı müzakirələr təşkil etdilər. Sonda iştirakçılar bu səpkidə maarifləndirici tədbirlərin mütəmadi təşkilinin vacibliyini vurğulayaraq qeyd etdilər ki, xüsusi həssas əhali qrupları arasında sağlam qidalanmanın hər zaman Dövlət nəzarətində olması və bu sahəyə olan yüksək qayğı və diqqət bundan sonra da davam etdiriləcək və sağlam gələcəyimiz naminə atılan bu mühüm addımlar öz müsbət nəticələrini göstərəcəkdir.

Eyni zamanda tədbirin təçkilatçıları tərəfindən Laçın Rayonu 3 saylı Körpələr evi – uşaq baxçasında və Rayon Mərkəzi Xəstəxanasının Poliklinika şöbəsində monitorinqlər təşkil edərək, həmin müəssisələrdə xüsusi həssas əhali qrupları arasında sağlam qidalanma ilə bağlı vəziyyəti öyrənərək , görülmüş işlərlə yaxından tanış olmuşlar.