Bakıda tanınmış vəkil “Adore Kompani” MMC-ni məhkəməyə verib.

.... əldə etdiyi məlumata görə, Vəkillər kollegiyasının üzvü, 28 saylı Vəkil Bürosunun rəhbəri Hikmət Əliyev “Adore Kompani” MMC-nin tərkibində fəaliyyət gösteren Sabina və Adore parfumery dükanlarina məxsus hədiyye kartları barədə şikayətçidir.

İş Nərimanov Rayon Məhkəməsində hakim Mehriban Əfəndizadənin sədrliyi ilə araşdırılacaq.

İşin mahiyyəti Mülki hüquq pozuntularından (deliktlərdən) əmələ gələn öhdəliklər üzrə mübahisələr - Maddi ziyanın ödənilməsidir.

Məhkəmənin vaxtı hələki məlum deyil.

Qeyd edək ki, bir müddət öncə tanınmış vəkil Hikmət Əliyev öz Facebook səhifəsində “Adore Kompani” MMC-nin tərkibində fəaliyyət gösteren Sabina və Adore parfumery dükanlarina məxsus hədiyye kartları barədə şikayətçi olmadı ilə bağlı faktlar paylaşmışdı.

Belə ki, Həmin hədiyyə kartına 6 aylıq və ya bir illik müddət qoyulur və həmin müddət bitdikdən sonra dükan həmin karti nə ödəniş vasitəsi kimi qəbul etmir, nə də ki, daxil edilmiş pulu qaytarmır:

"Kartın müddətinin uzadılmasını tələb etdikdə bununda münkün olmaması bildirildi. Belə olan halda karta daxil edilmiş 200 manat pul vəsaitinin aqibəti barədə məlumat tələb etdim. Bildirdilər ki, həmin pul vəsaiti hesabda dondurulub yekunda isə şirkətin balansına keçir. Hesab edirəm ki, hədiyyə kartının müddətinin ötməsi əsası ilə ödəniş vasitəsi kimi qəbulundan MMC-nin imtinası qüvvədə olan mülki qanunvericiliyinin tələblərinə zidd olmaqla, istehlakçı kimi mənim hüquqlarımı pozur. Belə ki, Kuponun (Hədiyyə kartının) alınması alqı-satqı müqaviləsi şərtlərinə uyğun deyil, çünki qanunvericilik ilə nəzərdə tutulan bəzi təminatlar təmin olunmur. Bu səbəbdən də bu müqavilə Mülki Məcəllədə nəzərdə tutulmayan, lakin ona zidd olmayan müqaqvilələr siyahısına aiddir. Hesab edirəm ki, satıcının kupon (hədiyyə kartı) sahibi qarşısında bu kartı ödəniş vasitəsi kimi qəbul etmək öhtəliyi yaranır. Kupon (hədiyyə kartı) üçün ödənilmiş məbləğ xidmət üzrə ödəniş deyil avansdır, belə olan halda avans isə qaytarılmalıdır. Kuponun (hədiyyə kartı) müddətinin bitməsi, kupondan qeyd edilən müddət ərzində istifadə edilməməsi, satıcını onun əvəzində malın təqdim edilməsi öhtəliyindən azad etmir, əks halda bu hal əsassız varlanma halı hesab olunacaqdır. Əgər malların təhvil verilməsi və ya xidmətlərin göstərilməsi halı mövcud deyildirsə, satıcı satış etmədiyi və ya xidmət göstərmədiyi halda satıcının sertifikat üçün ödənilmiş pulu saxlamaq hüququ yoxdur əks halda bu onun əsassız varlanmasını təşkil edir.

Əminəm ki, bu hallarla rastlaşan tək mən deyilem çox saylı insanların pullari hesabına MMC əsassız varlanır. Bu hallarin aradan qaldirilmasi məqsədi ilə “Adore Kompani” MMC-nə qarşı iddia ərizəsi ilə məhkəməyə müraciət etmək qərarına gəldim".