Ədliyyə naziri Fərid Əhmədov Bələdiyyələrlə İş Baş İdarəsinə yeni rəis müavini təyin edib.



Məlumata görə, bu vəzifə Mehti Abdullayevə həvalə olunub.



Mehti Abdullayev Ədliyyə Nazirliyinin ləğv edilən Əhalinin Dövlət Reyestri Xidmətinin rəis müavini vəzifəsində çalışıb. O, Azərbaycan Dillər Universitetinin rektoru Kamal Abdullanın oğludur.



Qeyd edək ki, bu ilin iyun ayında Ədliyyə Nazirliyində struktur dəyişikliyi həyata keçirilib. Dəyişikliyə əsasən, Bələdiyyələrlə İş Mərkəzi ləğv edilərək, yerində Bələdiyyələrlə İş Baş İdarəsi yaradılıb. Mərkəzin rəhbəri Rəhman Məmmədov vəzifədən azad edilərək Ədliyyə Nazirliyinin sərəncamına götürülüb. Bələdiyyələrlə İş Baş İdarəsinin rəis əvəzi vəzifəsi isə Elmin Həsənova həvalə edilib. O, bir neçə həftə əvvəl həmin idarəsinin rəisi vəzifəsinə gətirilib.