ABŞ-ın ən yaşlı prezidenti bu gün and içəcək
Xəbər verilir ki, Donald Trampın andiçmə mərasimi xüsusi formatda keçiriləcək.
Tramp Kapitolidə and içəcək və inauqurasiya nitqi ilə çıxış edəcək. Amma məhz bu mühafizəkar və ənənəvi tədbir ABŞ prezidentlərinin digər inauqurasiyalarından fərqlənəcək.
Donald Tramp ABŞ tarixində fasilədən sonra vəzifəsinə qayıdan ikinci prezident olacaq. Ondan əvvəl bunu yalnız Qrover Klivlend 19-cu əsrdə bacarmışdı. Bununla belə, Tramp həm də yaşı ilə seçilir - 79 yaşlı şəxs olaraq Amerikanın ən yaşlı prezidentinə çevirəcək.
O, həm də cinayət keçmişi olan ilk seçilmiş prezident olub: Trampın həbsi cəmi bir neçə saat çəksə də, artıq tarixə düşüb.
Trampın andiçmə mərasiminin tarixdə ən çox izlənilən tədbir olacağı gözlənilir. Mərasimi dünyada təxminən 150 milyon insanın izləyəcəyi bildirilir.
Mərasimin yayımı Bakı vaxtı ilə saat 21:00-da başlayacaq.
Mərasim qeyri-adi şəraitdə baş tutacaq: bayraqlar tədbirdən bir qədər əvvəl vəfat etmiş keçmiş prezident Cimmi Karterin xatirəsinə yarıya qədər endiriləcək.
Trampın andiçməinəs dəvət olunmuş qonaqlar arasında Viktor Orban, Georgia Meloni, Nayib Bukele, Xavyer Miley kimi dövlət liderləri də olacaq.
Andiçmə mərasimini Milli Qvardiyanın, polisin və xüsusi təyinatlıların 8 mindən çox əməkdaşı qoruyacaq. Təhlükəsizliyə 120 milyon dollardan çox vəsait ayrılıb və bu, tarixin ən qorunan andiçmə mərasimlərindən biri olacaq.
Mərasimdən sonra Donald Tramp Oval kabinetə gedəcək və burada onu yeni səlahiyyət müddətinin ilk addımları gözləyir: sərt immiqrasiya qanunlarının imzalanması, iqtisadi islahatlar və əvvəlki administrasiyanın sərəncamlarına yenidən baxılması.
