İstanbulda baş vermiş zəlzələdən sonra cəmiyyətin həmrəyliyi xüsusi önəm daşıdığı halda, bu vəziyyətdən sui-istifadə etməyə çalışan fürsətçi davranışlarla da qarşılaşmaq mümkündür. Belə bir həssas dövrdə xüsusilə daşınmaz əmlak sektorunda qeydə alınan süni qiymət artımları ictimai narahatlıq yaradıb. Türkiyənin Ticarət nazirinin müavini Mahmut Gürcan vətəndaşların çətin vəziyyətindən istifadə etmə məqsədi daşıyan, fürsətçilik kimi qiymətləndirilə biləcək heç bir davranış və hərəkətə əsla göz yumulmayacağını bildirib. O qeyd edib ki, “İstanbulda baş verən zəlzələ sonrası satışa və kirayəyə verilən daşınmaz əmlak elanlarında qiymət artımı ilə bağlı məlumatlar elan platformalarından əldə olunur və haqsız qiymət artımı etdiyi müəyyən edilən bütün fiziki və hüquqi şəxslər barəsində zəruri inzibati tədbirlər qətiyyətlə və gecikmədən həyata keçiriləcək.



Ticarət Nazirliyi olaraq 23 Apreldə İstanbulda baş vermiş zəlzələ sonrası daşınmaz əmlak sektorunda vətəndaşlarımızın əleyhinə inkişaf edə biləcək bütün halları yaxından izləyirik və onların zərərə uğramasına səbəb ola biləcək halların qarşısını almaq üçün fasiləsiz şəkildə çalışırıq.”

Gürcan qeyd edib ki, zəlzələ kimi fövqəladə dövrlərdə ictimai həmrəyliyin, birlik və bərabərliyin əhəmiyyəti hər zamankından daha çoxdur. “Bu müddətdə vətəndaşlarımızın çətin vəziyyətindən istifadə məqsədi daşıyan, fürsətçilik kimi qiymətləndirilə biləcək heç bir davranış və hərəkətə əsla göz yumulmayacaq. Bu çərçivədə, İstanbulda baş verən zəlzələ sonrası satışa və kirayəyə verilən daşınmaz əmlak elanlarında qiymət artımı ilə bağlı məlumatlar elan platformalarından əldə olunur və haqsız qiymət artımı etdiyi müəyyən edilən bütün fiziki və hüquqi şəxslər barəsində zəruri inzibati tədbirlər qətiyyətlə və dərhal həyata keçiriləcək.”