Türkiyənin Ankara şəhərində yerləşən TUSAŞ aerokosmik korporasiyasının obyektində törədilən terror aktı nəticəsində ölənlərin sayı 5-ə, yaralıların sayı isə 22-yə çatıb.



Xəbər verilir ki, bu barədə Türkiyənin daxili işlər naziri Ali Yerlikaya məlumat verib.
Ətraflı



Məlumata görə, hücumda bir kişi və bir qadın olmaqla iki silahlı iştirak edib. Onların hər ikisi zərərsizləşdirilib. Şirkətin əməkdaşları üçün təhlükə yoxdur. Nazirin sözlərinə görə, hücumun arxasında PKK terror təşkilatı dayanıb.



Yerli mətbuatın verdiyi məlumata görə, terrorçular taksi ilə hadisə yerinə gəlib və sürücünü öldürüblər. Daha sonra silahlılar atəş açaraq obyektin xidməti girişinə tərəf yönəliblər.