Daha bir qazi canına qəsd etdi – Naxçıvanda 44 günlük müharibə qazisi həyatına son qoydu

Naxçıvan, Babək rayonu, Nehrəm kəndi – 44 günlük Vətən müharibəsi qazisi Əliyev Vüsal Məhərrəm oğlu oktyabrın 5-də özünü asaraq həyatına son qoyub.

Kənd sakinlərinin bildirdiyinə görə, Vüsalın bu addımı atmasına səbəb maddi imkanların məhdudluğu və ümidin tükənməsi olub. Müharibədən qayıtdıqdan sonra o, uzun müddət işsizlik və diqqətsizliklə üzləşib.

“Vüsal sakit və ləyaqətli oğlan idi. Müharibədən qayıdandan sonra çox dəyişmişdi. İş tapa bilmirdi, dəfələrlə müraciət etdi, amma cavab ala bilmədi,” – deyə kənd sakinlərindən biri bildirib.

Qazinin faciəsi təkcə şəxsi itki deyil; həm də sistemin və cəmiyyətin üzərinə düşən məsuliyyətin əksidir. Vətən uğrunda döyüşmüş şəxslərin sosial və maliyyə problemləri, yetərli dəstək almamaları geniş ictimai narazılıq doğurur.

Hadisə ilə bağlı rəsmi açıqlama gözlənilir.