İlham Əliyevlə Ərdoğan İrəvana DƏVƏT EDİLDİ
Xəbər verilir ki, bu barədə Ermənistanın xarici işlər naziri Ararat Mirzoyan məlumat verib.
O, Azərbaycan və Türkiyə prezidentlərinin gələn ilin yazında İrəvanda keçiriləcək Avropa Siyasi Birliyinin 8-ci sammitinə dəvət olunduğunu açıqlayıb.
Nazirin sözlərinə görə, dəvətlər hələlik şifahi formada təqdim edilib.
“Azərbaycan və Türkiyə prezidentlərinə gələn ilin yazında İrəvanda keçiriləcək sammit üçün dəvət göndərilib. Hazırda bu, şifahi mərhələdədir”, - Mirzoyan jurnalistlərə bildirib.
Qeyd edək ki, Avropa Siyasi Birliyinin növbəti sammiti gələn ilin may ayında İrəvanda keçiriləcək. Hələlik Azərbaycan və Türkiyə tərəfləri bu dəvətə rəsmi reaksiya verməyiblər.
