Aparıcı Tarix Əliyev (Tolik) müğənni Səidə Sultan barəsində hüquq-mühafizə orqanlarına müraciət edib.

Xebernur.com verdiyi məlumata görə, insidentin baş verməsinə səbəb Səidə Sultanın telekanallarla bağlı səsləndirdiyi fikirlər olub. Belə ki, tərəflər TikTok sosial şəbəkəsində canlı yayım zamanı qarşı-qarşıya gəliblər. Canlı yayım əsnasında aparıcı və müğənni bir-birinin ünvanına qeyri-etik və sərt ifadələr işlədiblər.
Hadisədən sonra Tarix Əliyev şəxsi TikTok hesabında ayrıca canlı yayım açaraq müğənniyə qarşı sərt mövqe sərgiləyib. O, Səidə Sultanın səsləndirdiyi fikirləri qəbul etmədiyini bildirib və məsələni hüquqi müstəvidə həll edəcəyini açıqlayıb.
Məlumata görə, aparıcı dərhal “102” qaynar xəttinə zəng edərək şikayət etdiyini bildirib. Tarix Əliyev açıqlamasında sabah rəsmi qaydada ərizə yazacağını və müğənnini məhkəməyə verəcəyini qeyd edib.
Hazırda məsələ ilə bağlı qarşı tərəfin mövqeyi açıqlanmayıb. Hadisə ictimaiyyət arasında geniş müzakirələrə səbəb olub.