Azərbaycan Respublikasının Prezidenti cənab İlham Əliyevin tapşırıq və tövsiyyələrinə uyğun olaraq mütəmadi surətdə Tərtər Rayon İcra Hakimyyəti başçısı tərəfindən həm rayon icra hakimiyyətində, həm də yerlərdə vətəndaş qəbulları keçirilir. Keçirilən qəbullarda vətəndaşları narahat edən məsələlər yerində öyrənilir və onların rastlaşdıqları problemləri həll olunaraq, vətəndaş məmnunluğu təmin olunur.

Tərtər Rayon İcra Hakimiyyəti başçısının Ağkənd kəndində keçirilən səyyar qəbul görüşü zamanı Ağkənd kənd sakini Haqverdiyev Nəsib Ziyad oğlu müraciət edərək Dəmirçilər və Ağkənd kəndlərinin suvarma suyu ilə təmin olunması üçün Sol sahil magistral kanalda əlavə suburaxıcı qurğu quraşdırılmasına köməklik göstərilməsini xahiş etmişdir.

Müraciət əsasında rayon icra hakimiyyəti başçısının göstərişi ilə Tərtərçay Hidroqovşağı İstismarı İdarəsi tərəfindən Sol sahil magistral kanalda əlavə suburaxıcı qurğu quraşdırılmışdır.

Kənd sakini müraciətinin tez bir zamanda həll olunduğuna görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.