– Bu oyun kimə xidmət edir?”
Son illərdə cəmiyyətdə qəribə bir tendensiya müşahidə olunur.
Azadlıqda olanda “bloqer” və ya “ictimai fəal” kimi tanınan şəxslər, barələrində cinayət işi açıldığı andan etibarən qəfil şəkildə “jurnalist” adlandırılmağa başlanır.
Sual yaranır: bu insanlar nə vaxt və harada jurnalist olublar?
Onların nə media qurumunda iş təcrübəsi var, nə də peşəkar jurnalistikaya aid araşdırmaları. Sadəcə sosial şəbəkədə status yazmaq, canlı yayım açmaq və şəxsi fikirlərini paylaşmaq – bunlar jurnalistika deyil.
Amma həbs edilən kimi birdən-birə “jurnalist” damğası vurulur. Məqsəd də aydındır: beynəlxalq təşkilatları çaşdırmaq, diqqət qazanmaq, siyasi manipulyasiya üçün “həssas status” əldə etmək.
Bu, həm cəmiyyətə, həm də əsl jurnalistlərə qarşı hörmətsizlikdir. Çünki həqiqi jurnalist olmaq illərlə təhsil, təcrübə, etik kodeksə sadiqlik və obyektivlik tələb edir. Saxta “status jurnalistləri” isə bu müqəddəs peşənin adına kölgə salır, onu ucuzlaşdırırlar.
Cəmiyyət artıq bu oyunun fərqindədir.
Kim bloqerdirsə – bloqer kimi tanınsın.
Kim ictimai fəaldırsa – fəal kimi qalsın.
Amma heç kim həqiqi jurnalistlərin zəhmətini və nüfuzunu şəxsi maraqlarına qurban verməsin!