KanalTv.com-un təsisçisi və baş redaktoru Nuranə Abdullayevanın səsi niyə qeydə alınır?

KanalTv.com saytının təsisçisi və baş redaktoru Nuranə Abdullayevanın iddiasına görə, özünü Ağcabədi Rayon İcra Hakimiyyətinin əməkdaşı kimi təqdim edən şəxs telefon danışığı zamanı onun icazəsi olmadan səsini qeydə alıb.

Daha da təəccüblüsü odur ki, iddiaya görə, həmin şəxs telefon danışığı zamanı vətəndaş və media nümayəndəsi ilə yüksək tonda danışıb.
Sual yaranır: Dövlət qurumunun əməkdaşı media rəhbərinin telefon danışığını hansı əsasla qeydə alır?

Əgər vətəndaş və jurnalist müraciət edirsə, onun səsini yazmaq və sərt üslubda danışmaq əvəzinə, qaldırılan məsələni dinləmək və araşdırmaq daha doğru olmazdımı?

İcra hakimiyyəti dövlət qurumudur və heç bir məmur həmin qurumu şəxsi mülkü kimi idarə edə bilməz. Vətəndaşa və media nümayəndəsinə münasibətdə hörmətli və qanuni ünsiyyət tələb olunur.

Bu səbəbdən Ağcabədi Rayon İcra Hakimiyyətinə sualımız var:
KanalTv.com-un təsisçisi və baş redaktoru Nuranə Abdullayevanın səsinin icazəsiz qeydə alınması doğrudurmu? Doğrudursa, hansı əsasla?

Vətəndaşın və jurnalistin səsini yazmaq asandır. Bəs vətəndaşın problemini dinləmək və həllinə köməklik göstərmək necə?

Səsləndirilən fikirlər və iddialar Nuranə Abdullayevanın mövqeyidir. Qarşı tərəfin mövqeyini dərc etməyə hazırıq.