Gürcüstan vətəndaşı Şəlalə adlı qadın azərbaycanlıdan pul alıb qaytarmayıb – Dələduzluq iddiası

Rəsmiyyə Hüseynova adlı vətəndaş Gürcüstan vətəndaşı Şəlalə adlı qadının ona qarşı dələduzluq etdiyini iddia edir. Onun sözlərinə görə, “Qlobal” uşaq bağçasında tərbiyəçi kimi fəaliyyət göstərən Şəlalə ondan 1.000 dollar və 150 manat məbləğində pul alıb, lakin bu günə qədər geri qaytarmayıb.

Şikayətçi bildirir ki, Şəlalə adlı bu şəxs əvvəlcə etibar qazanıb, daha sonra borc aldığı pulla əlaqəni tamamilə kəsib.

Rəsmiyyə Hüseynova məsələ ilə bağlı hüquq-mühafizə orqanlarına müraciət edərək, adıçəkilən şəxsin məsuliyyətə cəlb olunmasını tələb edir.