Səngəçalda yerləşən 222 nömrəli məktəbdə Zəfər Gününün 5 illiyi qeyd olunub

07 noyabr 2025-ci il tarixdə Qaradağ Rayonunun Səngəçal qəsəbəsində yerləşən şəhid Fəzail Qədimovun adını daşıyan 222 nömrəli tam orta məktəbdə Zəfər Gününün beşinci ildönümünə həsr olunmuş tədbir keçirilib.

Tədbir başlamazdan əvvəl məktəbin adını daşıdığı şəhid Fəzail Qədimovun xatirə lövhəsi önündə dövlət himni səsləndirilib. Ardınca Vətənin bütövlüyü uğrunda canından keçən bütün şəhidlərin əziz xatirəsi bir dəqiqəlik sükutla yad olunub.

Daha sonra məktəbin kollektivi və şagirdlər Zəfər Gününün rəmzi olaraq hazırlanmış bədii proqramla çıxış ediblər. Şagirdlərin musiqili-kompozisiya təqdimatları, vətənpərvərlik şeirləri və səhnəcikləri tədbir iştirakçıları tərəfindən böyük rəğbətlə qarşılanıb.

Məktəb rəhbərliyi bildirib ki, bu günün qeyd olunması yalnız qələbə sevincini deyil, həm də şəhidlərin əziz xatirəsinə ehtiramın ifadəsidir.




#ZəfərGünü
#8Noyabr
#Məktəb222