Həyatını xəstəliklər səbəbindən itirməyə yaxın olan vətəndaşlarımızla, savadlı və bacarıqlı gənclərimizlə tez-tez rastlaşırıq. Bu, hər bir vicdanlı azərbaycanlını dərindən təsirləndirir. Süleyman Süleymanov da belə gənclərimizdən biridir. Depressiv pozuntu xəstəliyi ilə uzun illərdir mübarizə aparan Süleyman sağalmaq üçün Türkiyədə elektrosok müalicəsinə ehtiyac duyur və maddi dəstəyə çağırış edir.

Redaktor.az Xəstəliklə mübarizə aparan gəncimizə müalicəsi üçün DƏSTƏK OLAQ
Həyatını xəstəliklər səbəbindən itirməyə yaxın olan vətəndaşlarımızla, savadlı və bacarıqlı gənclərimizlə tez-tez rastlaşırıq. Bu, hər bir vicdanlı azərbaycanlını dərindən təsirləndirir. Süleyman Süleymanov da belə gənclərimizdən biridir. Depressiv pozuntu xəstəliyi ilə uzun illərdir mübarizə aparan Süleyman sağalmaq üçün Türkiyədə elektrosok müalicəsinə ehtiyac duyur və maddi dəstəyə çağırış edir.

Redaktor.az-a müraciət edən Süleymanov Süleyman Elçin oğlu bildirib ki, uzun illərdir depressiv pozuntu ilə mübarizə aparır və bu xəstəlik əmək qabiliyyətinə ciddi təsir edib. Onun sözlərinə görə, iyirmi ildən artıq müddətdə müxtəlif dərman və müalicə prosedurları qəbul etsə də, heç bir müsbət nəticə əldə olunmayıb.

Süleymanovun vəziyyəti belə ağırdır ki, hərbi komissarlıq tərəfindən hərbi xidmətə yararsız hesab edilib. Atası dünyasını dəyişdiyi üçün o, anası ilə birlikdə yaşayır.

Son vaxtlar həkimlər ona Türkiyə Respublikasında elektrosok müalicəsi (EKT) tövsiyə ediblər. Türkiyədə müalicə xərclərinin təxminən 15 000 manat olduğu bildirilib. Lakin ailənin maddi vəziyyəti bu məbləği qarşılamağa imkan vermir.

Süleymanov xalqımızdan bu çətin günlərdə ona maddi yardım göstərmələrini xahiş edib. Yardım etmək istəyənlər aşağıdakı vasitələrlə əlaqə saxlaya bilərlər:

Əlaqə nömrəsi: +994 55 641 45 72

Kart nömrəsi: 5239 1517 6884 4519

Süleymanov qeyd edir ki, dəstək sayəsində xəstəliyin verdiyi mənəvi və psixoloji əzablardan qurtula, həyatını normallaşdıra bilər.