“Azərbaycan” Nəşriyyatındakı redaksiyalar hara köçəcək?
Azərbaycan Nəşriyyatından Sorğusuya cavab olaraq bildirilib ki, təmir müddətində redaksiyalar müvəqqəti olaraq alternativ ofislər tapmalıdır. “Azərbaycan Nəşriyyatı” öz tərəfindən bu məsələdə onlara imkan daxilində dəstək göstərməyə çalışacaq.
"Mövcud texniki vəziyyət binada əsaslı təmir işlərinin aparılmasını zəruri edir. Bu işlərin həcminin çox böyük olması onların mərhələli şəkildə, eləcə də binanın istismarı davam etdirilməklə icrasını praktiki olaraq mümkünsüz edir. Qeyd olunanları nəzərə alaraq 01.02.2026-cı il tarixindən binanın istismarının dayandırılması haqda qərar verilmişdir. Burada söhbət yalnız 9 mərtəbəli binanın təmirindən gedir. “Azərbaycan Nəşriyyatı” MMC fəaliyyətini davam etdirəcək. Təmir müddəti görüləcək işlərin dəqiq həcmi, layihə-smeta sənədlərinin hazırlanması və maliyyələşmə prosesindən asılı olaraq müəyyən ediləcək. Əsaslı təmir başa çatdıqdan sonra bina yenidən istismara veriləcək", - deyə açıqlamada bildirilib.
