Şəmkir Rayon Məhkəməsinin hakimi
Hörmətli Nazlı Heydərovaya.

Mən, Nuranə Abdullayeva Allahverdi qızı, jurnalist olaraq bildirirəm ki, Fəxrəddin Mövsümov Ağaməd oğlu tərəfindən mənim və Aydın Məmmədov Yahya oğlu və Yaqub Əhmədov İdris oğlunun barəsində Şəmkir rayon məhkəməsinə müraciət edilmişdir.
Diqqətinizə çatdırmaq istəyirəm ki, barəmdə irəli sürülən iddialar əsassızdır və hər hansı təhqir, böhtan və ya qanunvericiliyə zidd fakt mövcud deyildir. Məhkəməyə təqdim olunan müraciətdə konkret sübutlar, hüquqi əsaslandırma və pozuntu faktları göstərilməmişdir.
Qeyd etmək istəyirəm ki, bu məsələ birbaşa mənim jurnalist fəaliyyətimlə bağlıdır. Peşə borcumu yerinə yetirdiyim üçün hüquqi təzyiqə məruz qalmağım söz və ifadə azadlığı baxımından ciddi narahatlıq doğurur. Jurnalistlərin ictimai əhəmiyyət daşıyan mövzular üzrə fəaliyyəti məhkəmə təzyiqi vasitəsi ilə məhdudlaşdırılmamalıdır.
Hörmətli hakim, Sizdən xahiş edirəm:
işə obyektiv və qərəzsiz yanaşılsın,
iddiaların hüquqi əsasları və sübutları diqqətlə araşdırılsın,
qanunsuz və əsassız müraciətlərə hüquqi qiymət verilsin.
Əminəm ki, məhkəmə prosesi qanunun aliliyi və ədalət prinsipləri əsasında aparılacaqdır.

Hörmətlə,
Nuranə Abdullayeva Allahverdi qızı
jurnalist