Şəmkirdə ev qarəti: Zərərçəkmiş “ədalət axtarışında” – qardaşlar arasında mülk davası böyüyür.

Şəmkir rayonunun Yuxarı Seyfəli kəndi, Mollamədli tirəsində ailədaxili mübahisə ev qarəti ilə nəticələnib. Zərərçəkmiş tərəf – kənd sakini Zaməddin Mövsümov Ağamməd oğlu – evinin dağıdıldığını, əşyalarının oğurlandığını bildirir.

Zaməddin Mövsümov deyir ki, evindən zinət əşyaları və məişət avadanlıqları oğurlanıb,

Onun sözlərinə görə, hadisə yerinə dəfələrlə baxış keçirilsə də, nəticə əldə edilməyib. Mövsümov bildirir ki, qarşı tərəf açıq şəkildə “mənim kupçam var, məhkəmə qətnaməsini heçə sayıram” deyərək özünü haqlı çıxarmağa çalışır.

Zaməddin Mövsümov iddia edir ki, uzun illər zəhmət çəkib tikdiyi ata yurdu dağıdılıb. Evində qapı və pəncərələr sındırılıb, hasarı uçurulub.
O, bunun sadəcə mülki çəkişmə yox, açıq-aşkar qarət olduğunu deyir:

“Mənim ömrümün zəhməti olan yuvamı dağıdıblar.
Mən ziyan çəkənəm, amma məndən tələb edirlər ki, oğurlanan zinət əşyalarını sübut et.

Axı bu, vətəndaşın deyil, hüquq-mühafizə orqanlarının işidir mən necə sübut edim?

Ali dövlət orqanlarına müraciət

Şikayətçi bildirib ki, məsələnin düzgün araşdırılmadığını gördükdən sonra Azərbaycan Respublikasının Milli Məclisinə, Ali Məhkəməsinə, Baş Prokurorluğuna və Daxili İşlər Nazirliyinə müraciət ünvanlayıb. O, həmçinin məsələnin hüquqi boşluqları varsa, parlamentdə də müzakirəyə çıxarılmasını tələb edir.

Mövsümov əlavə edib ki, ailədaxili mülk davası böyüyərək artıq cinayət xarakteri alıb və bu məsələnin hüquqi qiymətləndirilməsinə ehtiyac var. Əks halda, özü dəfələrlə müraciət edərək məsələni ali instansiyalara çatdıracaq.

Hüquq-mühafizə orqanlarının mövqeyi

Hadisə ilə bağlı hüquq-mühafizə orqanlarından hələlik geniş açıqlama verilməyib. Mütəxəssislərin sözlərinə görə, bu cür hallarda istintaq orqanları sübutların toplanması, hadisə yerində kriminalistik izlərin araşdırılması və iştirakçıların müəyyənləşdirilməsi üçün məsuliyyət daşıyır.

Hazırda Şəmkir rayonunda baş verən hadisə kənd ictimaiyyəti arasında da müzakirə olunur. Yerli sakinlər ümid edirlər ki, məsələ obyektiv şəkildə araşdırılacaq və zərərçəkmişin haqları bərpa olunacaq.

İddiaçı bildirir ki, Azərbaycan Respublikasının Daxili İşlər Nazirliyi - dən xahiş edirəm ki, bu məsələ ilə bağlı mənə kömək göstərilməsin və haqq yerini tapsın və
Qardaşım Mövsümov FƏXRƏDDİN Ağamməd oğlu ilə bağlı ciddi tədbirlər görülsün.