iPhone-un kamerası 2028-ci ildə belə olacaq
Barədə “Apple Insider” platformasına istinadən bildirir. Son məlumatlara görə, şirkət 200 meqapiksellik periskop tipli telefoto kamera üzərində işləyir, lakin bu yeniliyin istifadəçilərə çatması üçün bir neçə il gözləmək lazım olacaq.
"Weibo" platformasında paylaşımlar edən məşhur sızıntı mənbəyi "Digital Chat Station" bildirir ki, "Apple" hazırda bu yüksək çözünürlüklü kamera texnologiyasını qiymətləndirmə mərhələsindədir. Mənbənin iddiasına görə, 200 MP kamera ən tez 2028-ci ildə təqdim edilə bilər.
Hazırda "Apple" "iPhone" modellərində əsasən 48 meqapiksellik sensorlardan istifadə edir və digər istehsalçılardan fərqli olaraq daha yüksək rəqəmlərə tələsmir. Bununla belə, bazardakı rəqabət və istifadəçi tələbi nəzərə alınarsa, şirkətin gələcəkdə bu istiqamətdə addım atması gözləniləndir.
Qeyd etmək lazımdır ki, Digital Chat Station-un sızıntıları hər zaman dəqiq olmur. Daha əvvəl bu texnologiyanın 2027-ci ildə təqdim ediləcəyi iddia olunsa da, son məlumatlar bu planın təxirə salındığını göstərir. Hətta bəzi analitiklər, o cümlədən Morgan Stanley nümayəndələri də 200 MP kameranın yalnız 2028-ci il iPhone modellərində mümkün olacağını düşünür.
Apple-ın məxfi istehsal və inkişaf siyasəti səbəbindən bu cür məlumatların dəqiqliyini təsdiqləmək çətindir. Lakin ümumi tendensiya göstərir ki, şirkət gələcəkdə kamera texnologiyalarında ciddi sıçrayış etməyə hazırlaşır.
