2026-cı il 23 iyun tarixdə Ağcabədi rayonunun Taxta Körpü qəsəbəsində yerləşən Laçın Rayon İcra Hakimiyyətində dövlət qulluqçularının peşə bayramı günü münasibət ilə tədbir keçirilmişdir.

Tədbirdə Laçın Rayon İcra Hakimiyyətinin kollektivi, şəhər, qəsəbə və kənd inzibati ərazi dairələri üzrə nümayəndəliklərdə çalışan dövlət qulluqçuları iştirak etmişlər.

Əvvəlcə Laçın Rayon İcra Hakimiyyətinin başçısı Aqil Nəzərli və tədbir iştirakçıları Laçın Rayon İcra Hakimiyyətinin inzibati binası önündə ucaldılmış Ulu Öndər Heydər Əliyevin əzəmətli büstünü ziyarət edərək önünə tər güllər düzərək onun əziz xatirəsini böyük ehtiramla yad etmişlər.

Daha sonra Laçın Rayon İcra Hakimiyyətinin başçısı Aqil Nəzərli 23 iyun - Dövlət qulluqçularının peşə bayramı münasibətilə rayonun bütün dövlət qulluqçularını təbrik edərək onlara ən xoş arzularını çatdırmış, bu məsuliyyətli və şərəfli peşədə ləyaqətlə xidmət etməyi arzulamışdır.

Tədbirdə iştirak edən dövlət qulluqçuları bundan sonra da dövlətimiz və dövlətçiliyimiz naminə xidmət etdikləri bu məsuliyyətli peşədə hər zaman Vətənimizə, Xalqımıza vicdanla və ləyaqətlə yerinə yetirmək üçün daha da səylə çalışacaqlarını bildirmişlər.

Daha sonra dövlət qulluqçularının peşə bayramı günü münasibətilə dövlət qulluğunda fərqlənən bir qrup əməkdaşa Laçın Rayon İcra Hakimiyyətinin fəxri fərmanları təqdim olunmuşdur.

Tədbirin sonunda xatirə şəkli çəkdirilmişdir.