“Bütün dövlət məmurları öz fəaliyyətlərində sosial ədalət prinsipinə əməl etməlidirlər.”
Ölkə Prezidenti cənab İlham Əliyevin bütün sahələrdə olduğu kimi kadr islahatları da uğurla davam etdirilməkdədir. Dövlət başçısı cənab İlham Əliyevin həyata keçirdiyi yeni kadr islahatları dövlətçiliyimizin inkişafına və xalıqımızın rifahının yaxşılaşdırılmasına öz müsbət töhfələrini verməkdədir. Lakin bir sıra neqativ halların aşkar olunması əlbətdəki yolverilməzdir və bu nöqteyi nəzərdən ölkə Prezidentinin müvafiq tövsiyyə və tapşırıqları hər bir dövlət məmuru üçün önəmli əhəmiyyət kəsb etməli, bəzi neqativ hallardan nəticə çıxararaq vətənə və xalqa ləyaqətlə xidmət etməlidir.
Bildiyimiz kimi Azərbaycan Respublikasının Prezidenti cənab İlham Əliyev 25 iyul tarixdə Masallı, Lerik və Göygöl rayonlarına icra başısı təyin etdi. Ölkə Prezidenti cənab İlham Əliyev hər üç rayonun yeni təyin olunan icra başcılarını qəbul edəndə onlara ilk növbədə rayonlarda vəziyyətin geniş təhlil olunması, mövcud nöqsanların aşkar edilməli və aradan qaldırılmalarını tapşırdı.
Eyni zamanda Dövlət başçısı cənab İlham Əliyev cəmiyyətimizin həssas təbəqəsinin üzvləri olan Şəhid ailələri, Vətən müharibəsi iştirakçıları və Qazilərimizin sosial-məişət şəraitlərinin diqqət mərkəzində saxlanılması, onların qayğıları ilə yaxından maraqlanmalarını və bu cür problemlərin aradan qaldırılmasını xüsusi ilə vurğulamışdır.
Prezident cənab İlham Əliyev bəzi rayon icra hakimiyyəti başçılarının yol verdiyi qanun pozuntularından bəhs edərkən bildirmişdir:” Bilirsiniz ki, bir neçə keçmiş icra başçısı cinayət məsuliyyətinə cəlb edilmişdir, bəzilərinin hökmü verilmişdir, bəzilərinin işləri məhkəmədədir. Bu onu göstərir ki, heç kim qanundan üstün ola bilməz. Mən bütün icra başçılarını vəzifəyə təyin edərkən göstərişlərimdən biri o idi ki, korrupsiyaya, rüşvətxorluğa qarşı biz amansız mübarizə aparmalıyıq və icra başçıları burada nümunə olmalıdırlar. Əfsuslar olsun ki, bəziləri əyri yolla gediblər və bu gün bunun acısını çəkirlər. Bu, hər bir dövlət məmuru üçün dərs olmalıdır.”
Həmçinin cənab Prezidentin tövsiyyələrindən biri də icra hakimiyyəti başçılarının öz fəaliyyətlərində sosial ədalət prinsipinə riayət etmələri barədədir. Sosial ədalət, ümumiyyətlə, ədalət prinsipləri cəmiyyətdə əsas prinsiplərdən biridir.
Dövlət başçısı cənab İlham Əliyev hərbiçilərimizin sosial problemlərinin hər zaman diqqət mərkəzində saxlanılması məsələsinə də toxunaraq bildirdi ki, “Heç kəs unutmamalıdır ki, azad edilmiş torpaqlarımıza bayrağımızı sancan bizim qəhrəman əsgər və zabitlərimiz olub”.
Bü gün Azərbaycanda xalq-iqtidar birliyi gündən-günə möhkəmlənir, xalqımız hər zaman öz Prezidentini dəstəkləyir və Onun ətrafında sıx birləşib.
YAP Ağdam rayon təşkilatının sədri
Mansur Quliyev