Azərbaycan uzun illərdir etibarlı tərəfdaş kimi xam neftini dünya və Avropa bazarlarına ixrac edir.
Azərbaycan bütün dünyada etibarlı tərəfdaş kimi böyük nüfuz qazanıb. Azərbaycanın yaratdığı mükəmməl əməkdaşlıq formatı ölkəmizə ən qlobal layihələrdə belə uğur qazandırır. “Neft Azərbaycanın milli sərvətidir” deyən və bunun önəmini hər zaman vurğulayan Ümummilli Lider Heydər Əliyevin neft strategiyası neft sənayemizin inkişafında mühüm rol oynayıb.
Azərbaycan hələ 150 il öncə sənaye üsulu ilə neft hasil edən ilk ölkə olub.1901-ci ildə dünya neftinin 50 faizi Azərbaycanda hasil edilirdi.
1994-cü ildə “Əsrin müqaviləsini” imzalamaqla Azərbaycan, tarixdə ilk dəfə olaraq Xəzər dənizinin resurslarını beynəxalq aləmə açdı.
Əldə etdiyimiz ən böyük nailiyyətlərdən biri də Bakı-Tblisi-Ceyhan boru kəmərinin tikilməsi idi.
Ümumilli lider Heydər Əliyevin əsasını qoyduğu enerji strategiyasını 2003 -cü ildən etibarən cənab Prezident İlham Əliyev uğurla davam etdirir. Bu gün Azərbaycan Prezidenti cənab İlham Əliyevin rəhbərliyi ilə beynəxalq və regional enerji təhlükəsizliyinin təmin olunmasında mühüm layihələr gerçəkləşdirilir. İlham Əliyevin düzgün siyasi kursu nəticəsində artıq Azərbaycan Avropanın etibarlı və alternativ enerji mənbəyinə çevrilib.
Azərbaycan 2022-ci ildə Avropa ölkələrinə mavi qaz ixracatını ən çox artıran ölkədir.Ölkəmizin hazırki təsdiqlənmiş qaz ehtiyatı 2,6 trilyon kubmetrdir. Yəni Azərbaycan həm özünün, həm də Avropanın “mavi yanacaq” təchizatını ödəməyə qadirdir.
Artıq son dövrlərdə bir neçə ölkələrdən-Gürcüstan, Türkiyə, İtalya, Bolqarıstan və digərlərindən qaz təchizatının artırılması və ya qaz təchizatına yeni qoşulma ilə bağlı rəsmi müraciətlər daxil olur. Çünki Azərbaycan enerji təhlükəsizliyi baxımından mühüm qaynaq və etibarlı tərəfdaşdır.
Azərbaycanın Avropa İttifaqı və bölgə ölkələrinin enerji təhlükəsizliyi sistemindəki strateji rolu gündən-günə artır. Prezidentimiz cənab İlham Əliyevin 2022-ci il sentyabrın 30-da Bolqarıstanda rəsmi səfərdə olarkən çıxışında qeyd etdiyi kimi: “Enerji təhlükəsizliyi məsələsi bütün dövrlərdə mühüm əhəmiyyət kəsb edib, ancaq indiki şəraitdə bu əhəmiyyət daha da artmışdır. Azərbaycan qazı artıq Bolqarıstandadır. Bolqarıstana ixrac ediləcək Azərbaycan qazının həcminin artırılması nəzərdə tutulub. Azərbaycan uzun illərdir etibarlı tərəfdaş kimi xam neftini dünya və Avropa bazarlarına ixrac edir.Azərbaycan əlindən gələni edir ki,qaz hasilatını artıraraq öz tərəfdaşlarını qazla təmin etsin.”
Hazırda Azərbaycan siyasi və iqtisadi yüksəlişinə görə dünya ölkələri sırasında mühüm yer tutur. Biz bu yüksəlişi Azərbaycan Respublikasının Prezidenti cənab İlham Əliyevə və Azərbaycan xalqına borcluyuq.
Şamama Əmirova
YAP Laçın rayon təşkilatının 35 saylı ƏPT sədri
Laçın rayon 10 N-li tam orta məktəbin direktoru