Milli Onkologiya Xəstəxanasından Qaziyə Qarşı Haqsızlıq – Həkim Biganəliyi və Rüşvət İddiaları

44 günlük Vətən müharibəsi qazisinin atası bildirib ki, oğlu Coşqun Cingiz Zeynalov, müharibə zamanı xəsarət alıb və sonradan rektosiqmoid nahiyədə xərçəng diaqnozu ilə üzləşib (pT3N0M0, II A mərhələ).

Xəstə 14 fevral 2025-ci ildə təcili əməliyyat olunub: "Laparotomiya. Düz bağırsağın Hartman tipli rezeksiyası və qarın boşluğunun drene edilməsi". Lakin əməliyyatdan sonra bağırsaq keçməzliyi problemi davam edib və xəstənin şikayətləri artıb.

Atanın sözlərinə görə, oğlunun müalicəsi zamanı həkimlər bigane yanaşır, vaxtında lazımi müayinələr aparmır və hətta rüşvət tələb edirlər. Xəstə ailəsi yaşanan vəziyyətlə bağlı bir neçə dəfə aidiyyəti həkimlər və Mərkəzlə əlaqə saxlayıb, lakin problemlər həll olunmayıb.

Şikayətçi vurğulayır ki, belə davranış yalnız onun ailəsini deyil, bütün qaziləri narahat edir və ölkədə sağlamlıq sistemindəki ciddi boşluqları, etik və peşəkar standartların pozulmasını ortaya qoyur.

Hadisə həmçinin ictimaiyyət tərəfindən diqqətlə izlənilir və aidiyyəti qurumlar tərəfindən araşdırılması tələb olunur.