"Qarabağ” UEFA Konfrans Liqasının pley-off mərhələsində ilk oyununu keçirib.



xebernur.com xəbər verir ki, qitə kuboklarında mübarizəni davam etdirən yeganə Azərbaycan klubu Konfrans Liqasında pley-off matçına çıxıb.



Qurban Qurbanovun yetirmələri Fransada “Marsel”in qonağı olub. Avrokuboklar tarixinə qrupdan çıxan ilk Azərbaycan klubu kimi tarixə düşən “Qarabağ” adlı-sanlı rəqibi ilə səfər matçından məğlub ayrılıb.



Konfrans Liqasının qrupunda ikinci olan təmsilçimiz Avropa Liqasının üçüncüsü kimi bu turnirə yuvarlanan rəqibi ilə başabaş mübarizə aparsa da, bu, nəticədə öz əksini tapmayıb. “Velodrom” stadionundakı görüşdə ev sahibləri 2 top fərqilə qələbə qazanıb. Arkadiuş Milik fasilə ərəfəsində dubla imza atsa da, matçın sonlarında Kadi Borqes hesabı 1 topa endirib. Lakin əlavə olunmuş dəqiqələrdə Dimitri Paye “Marsel”in 3:1 hesablı qələbəsini rəsmiləşdirib.



Qeyd edək ki, komandalar arasında cavab oyunu fevralın 24-də Bakıda baş tutacaq.



***

Fransada "Marsel" və "Qarabağ" komandaları arasında UEFA Konfrans Liqasının pley-off mərhələsinin ilk oyunu keçirilir.



Modern.az xəbər verir ki, "Velodrom" stadionunda təşkil olunan qarşılaşma Bakı vaxtı ilə saat 00:00-da start götürüb. Matçı monteneqrolu FIFA referisi Nikola Dabanoviç idarə edir.



***

Görüşdə ilk qolu meydan sahibləri vurublar. Oyunun 41-ci dəqiqəsində Arkadiuş Milik fərqlənib. 3 dəqiqə sonra Arkadiuş Milik dubla imza ataraq, hesab arasında fərqi artırıb.



Matçın ilk hissəsi "Marsel"in üstünlüyü ilə yekunlaşıb.



Qeyd edək ki, cavab görüşü fevralın 24-də Bakıda Tofiq Bəhramov adına Respublika stadionunda olacaq.