Antalya Diplomatiya Forumunda çıxış edən Türkiyənin xarici işlər naziri Hakan Fidan ABŞ prezidenti Donald Trampın Türkiyəyə mümkün səfəri ilə bağlı açıqlamalar verib.

Xəbər verilir ki, CNN Türk-ün məlumatına görə, Türkiyə prezidenti Rəcəb Tayyib Ərdoğanla Donald Tramp arasında baş tutması gözlənilən görüş üçün iki fərqli ssenari nəzərdən keçirilir.

Birinci ehtimala görə, Trampın mayın ortalarında Səudiyyə Ərəbistanına, daha sonra Qətər və Birləşmiş Ərəb Əmirliklərinə, son dayanacaq olaraq Türkiyəyə səfər etməsi gözlənilir.

İkinci ehtimal isə görüşün ABŞ-da Ağ Evdə keçirilməsidir.

Görüş üçün vaxt əvvəllər aprelin sonu və ya mayın əvvəli müzakirə olunsa da, hazırda diqqət iyun ayına yönəlib. Bu çərçivədə Ankara və Vaşinqton variantları eyni vaxtda qiymətləndirilir.