“Azərbaycanın həddən artıq arxayın olmasının ikinci səbəbi Ermənistanın çox zəifləməsi, ən azı bu regionda bütün rol və yerlərini itirməsidir”.

Xəbər verilir ki, bu sözləri Ermənistan xarici işlər nazirinin keçmiş müavini Avet Adonts deyib.

O bildirib ki, Zəngəzur dəhlizini açmaq üçün Azərbaycanın qarşısında duran əsas maneə Rusiyadır. “Rusiya hələ də həm Əliyevə, həm də Türkiyəyə Türkiyənin xarici siyasət doktrinasında yazılanları, yəni Ermənistanın dövlət olmamasını həyata keçirməyə mane olur”.

O hesab edir ki, Rusiya, ABŞ və İran hələ də Bakıya Sünikə “hücum etməyə” imkan vermir. “Lakin vəziyyət dəyişə bilər”.

Adonts sonda vurğulayıb ki, mümkün müharibə vəziyyətində İran zəifləsə, o ölkənin Ermənistanla bağlı səsləndirdiyi bütün qırmızı xətlər diqqətdən kənarda qalacaq. “Belə olan halda, digər ölkələr Azərbaycanı həmin qırmızı xətləri keçməyə təşviq edəcəklər”.