TDT-nin növbəti Media Formu Qazaxıstanda keçiriləcək
Xəbər verilr ki, bunu Türkiyə Respublikasının Bakıdakı Səfirliyinin mətbuat müşaviri Alptekin Cihangir İşbilir noyabrın 27-də Bakıda keçirilən Türk Dövlətləri Təşkilatının (TDT) Media və informasiya üzrə işçi qrupunun 12-ci iclası çərçivəsində "Müasir dövrdə artan qlobal informasiya təhdidlərinə qarşı dayanıqlı və preventiv tədbirlər: türk dövlətlərinin media ekosistemi nümunəsində" adlı paneldə deyib.
İşbilir onu da vurğulayıb ki, Türk dünyasında yeni bir intibah dövrü yaşanır.
“Biz eyni cəbhədə çıxış etsək, bir-birimizə qarşı çıxmasaq, media bizim ən böyük silahımıza çevrilə bilər.
Azərbaycanda bu imkanları test edirik. Türkiyə-Azərbaycan media platformasının hansı işlər görə biləcəyini nəzərdən keçiririk. Türkiyə-Azərbaycan media platforması olduqca işlək bir mexazimdir. Bu platformanın məqsədi ikitərəfli əlaqələri və əməkdaşlığı media və kommunikasiya sahəsində gücləndirmək olub. Lakin biz deyə bilmərik ki, bu platformanın işləkliyinə yüz faiz nail olunub. Təbii ki, bunun yüz faizlik effektivlitinə nail olmaq çox çətindir”.
Müşavir platformaya digər türk dövlətlərinin də qoşulmasının vacib olduğunu bildirib.
“Çünki biz bu anlayışa bütöv bir orqanizm kimi yanaşmalıyıq. Əgər digər türk dövlərləri də platformada təmsil olunsa, faydalılıq daha da artar”.
