Ağdərə rayonunun Vəngil kəndində məcburi köçkün ailəsinə verilən ev yararsız vəziyyətdədir – sakinlər ciddi şəkildə narazıdır.

Ağdərə rayonunun Vəngil kəndində məcburi köçkün kimi məskunlaşdırılması vətəndaş yaşadığı evin dözülməz vəziyyətdə olmasını gündəmə gətirib. Onun sözlərinə görə, təqdim edilən ev nə təhlükəsizlik baxımından, nə də elementar yaşayış tələblərinə uyğun gəlir.

Vətəndaş bildirir ki, evə giriş qapılarından biri tamamilə sınıqdır və bağlanmır.
Evin əvvəl dörd otaq olduğu, lakin sonradan bölünərək iki darısqal otağa salındığı deyilir.
Hər iki hissəyə ayrıca ailələrin yerləşdirilməsi isə yaşayış şəraitini daha da pisləşdirib.

Evdə yağmurluğun olmaması səbəbindən yağış suları birbaşa yaşayış sahəsinə daxil olur.
Ailə yağışın qarşısını almaq üçün müxtəlif məişət əşyaları ilə müvəqqəti baryer qurmağa məcbur qalıb. Su sızmaları nəticəsində evin padvalında da vəziyyət daha da ağırlaşıb.

Hamamın vəziyyəti isə xüsusilə təhlükəlidir: taxtalar çürüyüb, çökmə riski yüksəkdir.
Kanalizasiya sistemi tamamilə yararsızdır və sakin öz imkanları hesabına improvizə olunmuş boru xətti ilə problemi müvəqqəti həll etməyə çalışır. Həmçinin evin üst hissəsində torpaq sürüşməsi müşahidə olunur, divarlar çatlayıb və daimi təhlükə yaranıb.

Mətbəxdə elementar şərait belə yoxdur şkaflar düzgün quraşdırılmayıb, üst hissələr dağılıb, qaz və su sistemləri natamamdır.
Açıq balkon isə uçmaq təhlükəsi yaratdığı üçün istifadə olunmur.
Verilən soyuducunun qapısı da sıradan çıxdığından istifadə mümkün deyil.

Vətəndaş qeyd edir ki, “Biz illərdir çətinlik çəkirik, amma təqdim olunan evlər yaşayış üçün yararlı deyil. Dövlətin ayırdığı vəsait hara gedib, kim nə iş görüb – bunu heç kim izah etmir.

Sakinlər aidiyyəti qurumları məsələni araşdırmağa, evlərin vəziyyəti ilə bağlı ciddi tədbir görməyə çağırırlar.