Laçın rayon Polis şöbəsi ilə birgə tədbir keçirilmişdir.
Laçın Rayon Təhsil Sektorunun iclas zalında baş tutan tədbirdə Laçın Rayon İcra Hakimiyyəti Başçısının birinci müavini Tofiq Mirzəyev, Laçın Rayon Polis şöbəsinin rəis müavini,polis mayoru Xəqani Məhərrəmov, Rayon Prokurorluğunun və Təhsil sektorunun əməkdaşları, məktəb direktorları və psixoloqlar iştirak etmişlər.
Tədbidə Laçın Rayon Polis şöbəsinin rəis müaviniXəqani Məhərrəmov narkomaniya onun yaratdığı fəsadlar, Respublikamızda o cümlədən Laçın rayonunda narkomaniya ilə mübarizə tədbirləri,erkən nigahın qarşısının alınması, internet resurslarından düzgün istifadənin təbliğ olunması, şagirdlərin dərsə davamiyyəti və digər məsələlər haqqında geniş məruzə etmişdir.
Laçın Rayon İcra Hakimiyyəti Başçısının birinci müavini Tofiq Mirzəyev narkomaniya ilə mübarizə tədbirlərindən“Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019–2024-cü illər üçün Dövlət Proqramı”nın icrası zamanı görülmüş işlər, eləcədə Azərbaycan Respublikası Prezidentinin 17 sentyabr 2025-ci il tarixli Sərəncamı ilə təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2025–2030-cu illər üçün Dövlət Proqramı”nın qarşıya qoyduğu vəzifələr haqqında geniş məlumat vermişdir. Məktəb direktorları, müəllimlər və psixoloqların Laçın rayon İcra Hakimiyyəti, Laçın Rayon Polis şöbəsi ilə daha sıx əməkdaşlıq etməyə dəvət etmiş və maarifləndirmə tədbirlərinin sayının artırıacağını bildirmişdir. Həmçinin erkən nigahın fəsadları, erkən nigaha cəlb edilmiş yeniyetmələrin həyata hazır olmaması səbəbindən boşanmaların sayının artması və sosial problemlərin yaranmasını xüsusi vürğulayaraq bu sahədə mübarizənin gücləndirilməsini vacib hesab etdiyini vurğulamışdır.
Tədbirdə digər çıxış edənlər yeniyetmə və gənclərimizin cəmiyyətimiz üçün təhsilli, dünya görüşlü, yüksək intellektə malik olmaları üçün bütün imkanlarını səfərbər edəcəklərini bildirmişlər.
Tədbirin sonunda təhsil işçilərini maraqlandıran suallar cavablandırılmış, qeyd edilən təkliflər dinlənilmişdir.
