Noyabrın 12-də Bakı Beynəlxalq Multikulturalizm Mərkəzi (BBMM) 8 Noyabr – Zəfər Gününün 5-ci ildönümü münasibətilə “Biz birlikdə güclüyük” mövzusunda konfrans təşkil edib.
Tədbirdə Zəfər Gününə həsr olunmuş, İkinci Qarabağ müharibəsində iştirak etmiş müxtəlif etnik və dini icmaların nümayəndələrinin yer aldığı videoçarx nümayiş olunub.
Konfransda çıxış edən BBMM-in icraçı direktoru Rəvan Həsənov 44 günlük Vətən müharibəsində qazanılan Zəfərin dövlətçilik tariximizin ən şanlı səhifələrindən biri olduğunu, Prezident İlham Əliyevin liderliyi ilə Azərbaycanın son 200 ilin ən böyük Qələbəsini qazandığını bildirib. O qeyd edib ki, Zəfərimiz hər bir azərbaycanlı üçün sonsuz qürur mənbəyidir və tariximizdə əbədi qalacaq. Vətən müharibəsindəki Qələbənin arxasında duran əsas ideya birlik və qardaşlıq idi.
Tədbirdə Millət vəkilləri, mediya nümayəndələri, milli və dini birlik rəhbərləri, müharibə veteranları və qazilər iştirak etmişdir. Tədbirdə Azərbaycan Kürdlərini Ronahi Kürd Mədəniyyət Mərkəzinin sədri Zabit Məmmədov təmsil etmişdir.