Füzuli sakini Elmir Hüseynovun əsassız iddiaları RİH-nin səlahiyyətlərini pozmaq cəhdi

Xebernur.com saytının sorğusuna cavab olaraq Füzuli Rayon İcra Hakimiyyəti bildirir ki,
Füzuli rayonunun Yuxarı Yağlıvənd kənd sakini Elmir Hüseynov video müraciətində Rayon İcra Hakimiyyəti başçısını ittiham edib. Lakin məlumatda bildirilir ki, onun iddiaları heç bir hüquqi əsasa malik deyil və şər-böhtan xarakteri daşıyır.

Hüseynov dəfələrlə RİH başçısının qəbulunda olub, ailəsinə ünvanlı sosial yardım və işlə təmin olunması üçün köməklik xahiş edib. RİH başçısının vasitəsilə ailəyə 379,62 manat ünvanlı sosial yardım, 2024-cü ildə tikinti materialları, Qızıl Aypara və RİH tərəfindən ərzaq və geyim yardımı göstərilib. Hüseynov aylıq 60 manat müavinət alır, 1 hektardan az torpaq sahəsinə sahibdir və hazırda avtoyuma məntəqəsində çalışır.

Məlumatda vurğulanır ki, RİH işlə təmin etmək səlahiyyətinə malik deyil və Hüseynovun əsassız tələbləri yalnız görüntü yaratmaq cəhdindən ibarətdir.

“RİH başçısı bütün mümkün dəstəyi göstərib, amma bəzi şəxslər hələ də əsassız iddialarla xalqa və dövlətə qarşı çıxır. Hüseynovun video müraciəti yalnız öz qeyri-real tələblərini yerinə yetirməyə çalışmaqdır və qanun qarşısında heç bir dəstəyi yoxdur.”