Kəlbəcər sakini tikilən mənzillərlə bağlı şikayət edir.

Kəlbəcər rayon sakini, hazırda rayonda xidmət edən Şükürov Habil Eyvaz oğlu redaksiyamıza müraciət edərək mənzil bölgüsü ilə bağlı narazılığını bildirib. Onun sözlərinə görə, əvvəlcə köç siyahısında olsa da, sonradan siyahıdan çıxarılıb.

Şükürov iddia edir ki, ona “tək olduğu üçün mənzil düşməyəcəyi” bildirilib. Vətəndaşın dediyinə görə, hazırda “opşdeldə” ağır şəraitdə yaşayır.

O bildirib ki, Kəlbəcərdə tikilən yeni mənzillərin bir qisminin müxtəlif məbləğlər müqabilində verildiyi barədə məlumatlar dolaşır. Onun iddiasına görə, bəzi şəxslərə 6 min, 12 min və 15 min manat qarşılığında mənzil təklif olunub.

Şikayətçi qeyd edir ki, bu proseslə bağlı iradlarını bildirəndə ona “hara istəyirsənsə, şikayət et, biz belə edirik” cavabı verilib.

Qeyd edək ki, səsləndirilən məlumatlar vətəndaşın şəxsi iddialarıdır. Məsələ ilə bağlı aidiyyəti qurumların mövqeyini dərc etməyə hazırıq.